Admin

ເຖິງແມ່ນວ່າໃນຕະຫຼອດໄລຍະ 5 ປີຜ່ານມາ ການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນຊາວໜຸ່ມກະຊວງປ້ອງກັນຄວາມສະຫງົບ ສະໄໝ V ເຊິ່ງດໍາເນີນໃນສະພາບແວດລ້ອມພາກພື້ນ ແລະ ສາກົນທີ່ຍັງສືບຕໍ່ຜັນແປໄປຢ່າງສັບສົນ ແລະ ມີສິ່ງທ້າທາຍຫຼາຍດ້ານ, ໂດຍສະເພາະແມ່ນ ພວກອິດທິກຳລັງປໍລະປັກຍັງສືບຕໍ່ໃຊ້ເລ້ລຽມກົນອຸບາຍ ຫັນປ່ຽນໂດຍສັນຕິຂອງຄົນບໍ່ດີ ທີ່ສ້າງຄວາມປັນປ່ວນແບ່ງແຍກພາຍໃນ. ນອກຈາກນີ້, ຍັງມີບັນຫາປະກົດການຫຍໍ້ທໍ້ໃນຖັນ ແຖວຊາວໜຸ່ມ-ເຍົາວະຊົນ ເຊິ່ງເປັນການກົດໜ່ວງຖ່ວງດຶງ ແລະ ທ້າທາຍໃຫ້ແກ່ ຄະນະຊາວໜຸ່ມກະຊວງປ້ອງກັນຄວາມສະຫງົບ. ແຕ່ເຖີງຢາງໃດກໍຕາມ ຄະນະຊາວໜຸ່ມກະຊວງປ້ອງກັນຄວາມສະຫງົບ ໄດ້ຮັບການນໍາພາ-ຊີ້ນໍາ ຈາກອົງຄະນະພັກກະຊວງປ້ອງກັນຄວາມສະຫງົບ, ບັນດາອົງຄະນະພັກແຕ່ລະຮາກຖານກະຊວງ ແລະ ທ້ອງຖິ່ນຢ່າງໃກ້ຊິດຕິດແທດ, ເຮັດໃຫ້ຄະນະບໍລິຫານງານຊາວໜຸ່ມກະຊວງປ້ອງກັນຄວາມສະຫງົບ ໄດ້ເຄື່ອນໄຫວຕາມໜ້າທີ່ພາລະບົດບາດ ໃນການເປັນເສນາທິການໃຫ້ແກ່ກະຊວງປ້ອງກັນຄວາມສະຫງົບ, ໃຫ້ແກ່ກົມໃຫຍ່ການເມືອງປ້ອງກັນຄວາມສະຫງົບ ໃນການກຳນົດແຜນຍຸດທະສາດ, ແຜນການ, ແຜນງານ, ໂຄງການ, ການຊີ້ນໍາ, ບັນຊາ, ຄຸ້ມຄອງ,…

ໃນວັນທີ 14 ພຶດສະພາ 2025 ທີ່ຫ້ອງຮັບແຂກ ສະພາແຫ່ງຊາດ (ສພຊ), ສະມາຄົມມິດຕະພາບ ລາວ-ສ. ເກົາຫຼີ (LKFA) ນຳໂດຍ ທ່ານ ຄຳສວຍ ແກ້ວດາລາວົງ ປະທານ LKFA ພ້ອມດ້ວຍຄະນະ ໄດ້ນຳເອົາຢາປົວພະຍາດຈຳນວນໜຶ່ງ ມູນຄ່າ 6,000 ໂດລາສະຫະລັດ ທີ່ໄດ້ມາຈາກການຊ່ວຍເຫຼືອ ຂອງສະມາຄົມມິດຕະພາບ ສ.ເກົາຫຼີ-ລາວ (KLFA) ມອບໃຫ້ແກ່ ສະພາແຫ່ງຊາດ ແລະ ກ່າວຮັບໂດຍທ່ານ ນາງ ປິ່ງຄຳ ລາຊະສິມມາ ກຳມະການສູນກາງພັກ, ກໍາມະການຄະນະປະຈໍາ ສະພາແຫ່ງຊາດ, ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ.…

ໃນວັນທີ 13 ພຶດສະພາ 2025 ກອງພົນທີ 5 ໄດ້ຈັດຕັ້ງພິທີປະກາດເລື່ອນຊັ້ນ ເລື່ອນທຽບຊັ້ນໃຫ້ນາຍທະຫານ ໂດຍການເປັນປະທານຂອງສະຫາຍ ພັນເອກ ຄຳກົດ ອິນສີນາ ເລຂາຄະນະພັກ ຫົວໜ້າການເມືອງກອງພົນທີ 5 ມີຄະນະພັກ – ຄະນະບັນຊາ ຈາກອົງການ, ກົມກອງ ພ້ອມດ້ວຍພະແນກການ ພະນັກງານທີ່ໄດ້ຮັບການເລື່ອນຊັ້ນເຂົ້າຮ່ວມ. ສະຫາຍ ພັນໂທ ຄຳໄພ ຈັນທະອາສາ ຮອງຫົວໜ້າພະແນກພະນັກງານ ກອງພົນທີ 5 ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ສະບັບເລກທີ 243/ກປທ ລົງວັນທີ 17 ເມສາ 2025. ອີງຕາມກົດໝາຍ ນາຍທະຫານກອງທັບປະຊາຊົນລາວ ( ສະບັບປັບປຸງ…

ໄລຍະນີ້ອາກາດຢູ່ປະເທດເຮົາຜັນຜວນຢູ່ຕະຫລອດ ເຮັດໃຫ້ມີຝົນຕົກໜັກໃນບາງພື້ນທີ່.ທ່າມກາງສະພາບອາກາດທີ່ເປັນແບບນີ້ ສິ່ງທີ່ຕ້ອງລະວັງທີ່ສຸດແມ່ນເລື່ອງສຸຂະພາບ ແຕ່ເມື່ອຝົນມາສິ່ງທີ່ມາພ້ອມຍາມຝົນແມ່ນຄວາມເຈັບໄຂ້ໄດ້ປ່ວຍ, ອາການຫວັດ ແລະ ຖ້າຮັກສາສຸຂະພາບບໍ່ດີ ຕາກຝົນ ແລະ ປ່ອຍໃຫ້ຮ່າງກາຍປຽກຊຸ່ມຢູ່ຕະຫລອດ, ກໍຈະມີໂອກາດເປັນຫວັດໄດ້ງ່າຍກວ່າປົກກະຕິ ເຊິ່ງໃນທາງການແພດລະບຸວ່າ ພະຍາດໄຂ້ຫວັດບໍ່ແມ່ນພະຍາດທໍາມະດາຄືທີ່ພວກເຮົາຄິດ ເພາະເປັນແລ້ວຖ້າຮັກສາແລ້ວບໍ່ເຊົາ ຈະນໍາໄປສູ່ການເປັນພະຍາດອື່ນທີ່ໜັກກວ່າໄຂ້ຫວັດທໍາມະດາ.ດັ່ງນັ້ນ, ຈຶ່ງຄວນຮັບມືໃຫ້ດີ ເພື່ອປ້ອງກັນການເປັນຫວັດທີ່ອາດຈະສົ່ງຜົນກະທົບຕໍ່ຊີວິດປະຈໍາວັນໄດ້, ສິ່ງທີ່ສາມາດເຮັດໄດ້ງ່າຍໆທີ່ສຸດ ແມ່ນການເລືອກກິນອາຫານທີ່ມີສ່ວນຊ່ວຍໃນການສ້າງພູມຕ້ານທານ ໃຫ້ຮ່າງກາຍເປັນຫວັດຍາກຂຶ້ນເຊັ່ນ: ການກິນຜັກ, ໝາກໄມ້, ອອກກໍາລັງກາຍຢ່າງສະໝໍ່າສະເໝີ ແລະ ນອນພັກຜ່ອນໃຫ້ພຽງພໍ. ເຊິ່ງອາຫານທີ່ສາມາດເສີມພູມຕ້ານທານມີດັ່ງນີ້: ສ້າງພູມຕ້ານທານ #ອາຫານສ້າງພູມຄຸ້ມກັນ

ຊ່ວງໄລຍະກ້າວເຂົ້າສູ່ຍາມຝົນແບບນີ້ ນອກຈາກຈະມີຝົນຕົກ, ຟ້າລົມແຮງ, ຍັງມີລົມພາຍຸ ແລະ ຟ້າຜ່າ ເຊິ່ງເປັນການປົດປ່ອຍຄວາມຈຸໄຟຟ້າໃນອາກາດ ທີ່ເກີດຮ່ວມກັບປາກົດການອື່ນໆ ອັນໄດ້ສົ່ງຜົນຕໍ່ຊີວິດ ແລະ ຊັບສິນ. ເຮົາກໍອາດຈະພໍໄດ້ຍິນຂ່າວຟ້າຜ່າຄົນຈົນເສຍຊີວິດແລ້ວກໍມີ, ພວກເຮົາເລີຍຫາວິທີປ້ອງກັນອັນຕະລາຍຈາກຟ້າຜ່າມາດັ່ງນີ້:1) ຫລີກລ່ຽງການຢູ່ກາງແຈ້ງ, ຕົ້ນໄມ້ໃຫຍ່, ເສົາໄຟ, ປ້າຍໂຄສະນາ ເມື່ອເກີດຟ້າລົມຝົນຕົກ, ຖ້າຈໍາເປັນ… ໃຫ້ນັ່ງຢອງ, ຫຍໍ້ຕົວໃຫ້ຕໍ່າ ແລະ ຕິດກັບພື້ນຫລາຍທີ່ສຸດ.2) ເຂົ້າໄປຫລົບຢູ່ພາຍໃນຕຶກ ຫລື ອາຄານທີ່ຕິດຕັ້ງສາຍດິນ ແລະ ບໍ່ຄວນໃຊ້ອຸປະກອນອີເລັກໂທນິກທຸກຊະນິດ.3) ຫລີກລ່ຽງ ການໃຊ້ເຄື່ອງໃຊ້ໄຟຟ້າທຸກຊະນິດ ເພາະກະແສໄຟຈາກຟ້າຜ່າອາດໄຫລຜ່ານເຄື່ອງໃຊ້ໄຟຟ້າ.4) ກໍລະນີຢູ່ໃນລົດ ໃຫ້ປິດແວ່ນລົດທຸກບານ ແລະ ບໍ່ຄວນອອກຈາກລົດໂດຍເດັດຂາດ.

ພະຍາດໄຂ້ເລືອດດຳ (Anthrax) ແມ່ນຫຍັງ? ເກີດມາຈາກໃສ?ພະຍາດໄຂ້ເລືອດດໍາ (Anthrax) ແມ່ນພະຍາດຕິດຕໍ່ທີ່ຮ້າຍແຮງ ຊຶ່ງເກີດຈາກເຊື້ອຈຸລິນຊີທີ່ສ້າງສະປໍທີ່ເອີ້ນວ່າ bacillus anthracis ເປັນພະຍາດທີ່ເກີດຂຶ້ນຕາມທໍາມະຊາດຢູ່ໃນດິນ, ເມື່ອສັດຄ້ຽວເອື້ອງທີ່ກິນຫຍ້າເຊັ່ນ: ງົວ, ຄວາຍ, ແບ້ ກິນສະປໍເຂົ້າໄປ ສາມາດເຮັດໃຫ້ສັດເຫຼົ່ານີ້ຕິດພະຍາດດັ່ງກ່າວ ໂດຍທົ່ວໄປແລ້ວມີຜົນກະທົບຕໍ່ສັດຄ້ຽວເອື້ອງທັງສັດລ້ຽງ ແລະ ສັດປ່າ ສາມາດແຜ່ຈາກສັດສູ່ຄົນໄດ້ ແຕ່ປົກກະຕິແລ້ວບໍ່ແຜ່ຈາກຄົນສູ່ຄົນ. ມີອາການແນວໃດ? ມີວິທີການປິ່ນປົວແນວໃດ? ວິທີປ້ອງກັນແນວໃດ?

ວັນທີ 14 ພຶດສະພາ 2025, ຫ້ອງການກຳມະບານກອງທັບ ໄດ້ຈັດພິທີພົບປະແລກປ່ຽນບົດຮຽນ ລະຫວ່າງ ກຳມະບານກອງທັບ ກັບ ສະຫະພັນກຳມະບານແຂວງຫົວພັນ, ໂດຍການເປັນປະທານຂອງ ສະຫາຍ ພົນຕີ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພັນເອກ ບຸນຄ່ອງ ອຸດທະຈັນດີ ຄະນະບໍລິຫານງານສູນກາງສະຫະພັນກຳມະບານລາວ, ຫົວໜ້າຫ້ອງກຳມະບານກອງທັບ, ມີທ່ານ ນາງ ພວງທຳ ທຳມະທອງ ກຳມະການພັກແຂວງ, ຄະນະບໍລິຫານງານສູນກາງກຳມະບານ, ປະທານສະຫະພັນກຳມະບານແຂວງຫົວພັນ ພ້ອມດ້ວຍຄະນະທັງສອງຝ່າຍເຂົ້າຮ່ວມ. ໂອກາດນີ້ ທັງສອງຝ່າຍໄດ້ຜັດປ່ຽນກັນລາຍງານກ່ຽວກັບການເຄື່ອນໄຫວຊີ້ນຳ-ນຳພາໃນໄລຍະຜ່ານມາ. ສະຫາຍ ພັນເອກ ບຸນຄ່ອງ ອຸດທະຈັນດີ ໄດ້ໃຫ້ຮູ້ວ່າ: ໃນໄລຍະຜ່ານມາອົງການຈັດຕັ້ງກຳມະບານທົ່ວກອງທັບ ໄດ້ເອົາໃຈໃສ່ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່…

ກຳມະບານຮາກຖານໂຮງພິມກອງທັບ ເປັນຮາກຖານໜຶ່ງທີ່ມີສາຍຕັ້ງຂຶ້ນກັບຫ້ອງການກຳມະບານກອງທັບ ໃນກົມໃຫຍ່ການເມືອງກອງທັບ ແລະ ສາຍຂວາງຂຶ້ນກັບການຊີ້ນໍາ-ນໍາພາໂດຍກົງຂອງຄະນະພັກ-ຄະນະອໍານວຍການໂຮງພິມກອງທັບ ມີພາລະບົດບາດໜ້າທີ່ເຕົ້າໂຮມຄວາມສາມັກຄີ ແລະ ປົກປ້ອງສິດຜົນປະໂຫຍດອັນຊອບທຳຂອງສະມາຊິກກຳມະບານ ພາຍໃນກົມກອງຂອງຕົນໃຫ້ແໜ້ນແຟ້ນ ແລະ ກວ້າງຂວາງ ໃນທຸກຂົງເຂດວຽກງານພາຍໃນກຳມະບານຮາກຖານໂຮງພິມກອງທັບ. ສະຫາຍ ພັນໂທ ສົມໝາຍ ພົນທິລາດ ປະທານກຳມະບານຮາກຖານໂຮງພິມກອງທັບ ( ຜູ້ເກົ່າ) ໄດ້ໃຫ້ຮູ້ວ່າ: ໃນໄລຍະຜ່ານມາກຳມະບານຮາກຖານໂຮງພິມກອງທັບ ໄດ້ເອົາໃຈໃສ່ຊີ້ນໍາ-ນໍາພາ, ສຶກສາອົບຮົມການເມືອງ-ແນວຄິດໃຫ້ແກ່ສະມາຊິກກຳມະບານ, ກຳມະກອນພາຍໃນໂຮງພິມກອງທັບ ໄດ້ຮັບຮູ້ເຊື່ອມຊຶມຕໍ່ ແນວທາງນະໂຍບາຍຂອງພັກ, ກົດໝາຍຂອງລັດ ກໍຄືຂໍ້ກຳນົດກົດລະບຽບຕ່າງໆ ຂອງຂັ້ນເທິງໄດ້ວາງອອກ ເຊິ່ງສາມາດເຮັດໃຫ້ບັນດາສະຫາຍສະມາຊິກກຳມະບານ ມີຄວາມອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ, ບັນດາສະຫາຍສະມາຊິກກຳມະບານ ມີຄວາມສາມັກຄີ, ຮັກແພງຊ່ວຍເຫຼືອເຊິ່ງກັນ ແລະ ກັນ ຕາມຄວາມສາມາດຕົວຈິງ ເຮັດໃຫ້ກຳມະບານຮາກຖານໂຮງພິມກອງທັບ ມີຄວາມສະຫງົບ…

ໂດຍປະຕິບັດຕາມ ພາລະບົດບາດ, ສິດ-ໜ້າທີ່ ແລະ ການເຄື່ອນໄຫວວຽກງານ ຂອງ ກົມໂຄສະນາອົບຮົມ ກົມໃຫຍ່ການເມືອງກອງທັບ ວ່າດ້ວຍການຈັດຕັ້ງອົບຮົມການເມືອງ ປະຈໍາປີ 2025 ແລະ ການເກັບກໍາ-ທາບທາມສະພາບ ໃນການຈັດຕັ້ງປະຕິບັດວຽກງານການເມືອງ – ແນວຄິດ, ວຽກງານໂຄສະນາ-ຂະບວນການ ແລະ ສື່ມວນຊົນຢູ່ບັນດາກົມກອງ ກຳລັງຫຼວງ-ກຳລັງທ້ອງຖິ່ນ, ທັງນີ້ເເມ່ນ ເພື່ອຮັບປະກັນໃຫ້ແກ່ວຽກງານໂຄສະນາເຜີຍແຜ່ມູນເຊື້ອຂອງກອງທັບ, ຜົນງານການເຄື່ອນໄຫວຂອງກົມກອງ ຜ່ານສື່ມວນຊົນ ໃຫ້ສັງຄົມໄດ້ຮັບຮູ້ກວ້າງຂວາງ, ທົ່ວເຖິງ, ຖືກທິດ ໃຫ້ມີເນື້ອໃນເລິກເຊິ່ງ ແລະ ມີປະສິດທິພາບສູງ. ສະຫາຍ ພັນເອກ ແກ້ວສຸວັນ ຜາງພິລາວົງ ກຳມະການຄະນະພັກກົມໃຫຍ່ການເມືອງກອງທັບ ຫົວໜ້າກົມໂຄສະນາອົບຮົມ ໄດ້ໃຫ້ສຳພາດວ່າ: ຊຸດອົບຮົມທິດສະດີການເມືອງ ໄລຍະສັ້ນ ໃຫ້ພະນັກງານ-ນັກຮົບ…

ກອງປະຊຸມໃຫຍ່ຜູ້ແທນຊາວໜຸ່ມ ກະຊວງປ້ອງກັນຄວາມສະຫງົບ ສະໄໝທີ VI ໄດ້ຈັດຂຶ້ນ ແລະ ສຳເລັດລົງດ້ວຍໝາກຜົນອັນຈົບງາມ ໃນວັນທີ 13 ພຶດສະພາ 2025 , ໂດຍການເປັນປະທານຂອງ ສະຫາຍ ພັນເອກ ສີສົມບັດ ໄຊປັນຍາ, ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມກະຊວງ ປກສ ແລະ ເປັນກຽດເຂົ້າຮ່ວມ ຂອງສະຫາຍ ພົນໂທ ກົງທອງ ພົງວິຈິດ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີສະຫາຍ ມອນໄຊ ລາວມົວຊົງ ກຳມະການສໍາຮອງສູນກາງພັກ, ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ມີບັນດາສະຫາຍຄະນະພັກ ບັນດາກົມກອງອ້ອມຂ້າງກະຊວງ, ຊາວໜຸ່ມແຮກສ່ຽວ, ອະດີດພະນັກງານການນໍາຄະນະບໍລິຫານງານຊາວໜຸ່ມກະຊວງປ້ອງກັນຄວາມສະຫງົບ, ບັນດາສະຫາຍຜູ້ແທນກອງປະຊຸມໃຫຍ່ ແລະ…

ກອງປະຊຸມສາມັນ ຄັ້ງທີ 35 ໄດ້ຈັດຂຶ້ນຢ່າງເປັນທາງການ ໃນວັນທີ 9 ພຶດສະພາ 2025, ທີ່ນະຄອນດາໜັງ ສສ ຫວຽດນາມ ໂດຍແມ່ນກອງບັນຊາການທະຫານ ເຂດ 5 ກອງທັບປະຊາຊົນຫວຽດນາມເປັນເຈົ້າພາບ, ຝ່າຍຫວຽດນາມ ນຳໂດຍສະຫາຍ ພົນຈັດຕະວາ ເລ ງັອກ ຮາຍ ຜູ້ບັນຊາການ ຫົວໜ້າການທະຫານເຂດ 5 ກອງທັບ ປະຊາຊົນຫວຽດນາມ ພ້ອມຄະນະ, ຝ່າຍລາວນຳໂດຍສະຫາຍ ພັນເອກ ບຸນສົມ ອິນທະລາ ຫົວໜ້າການທະຫານກອງພົນທີ 5 ພ້ອມຄະນະ, ມີຄະນະນຳ ຈາກກອງບັນຊາການທະຫານ 4 ແຂວງພາກໃຕ້, ໂຮງຮຽນກໍ່ສ້າງນາຍສິບເລກ 2…

ພິທີເປີດຊ້ອມຮົບ ບັນຊາ-ເສນາ 2 ຂັ້ນຝ່າຍດຽວ ເທິງແຜນທີ່ ປະຈຳສົກຮຽນ 2024-2025 ຂອງວິທະຍາຄານປ້ອງກັນຊາດ ໄກສອນພົມວິຫານ, ໄດ້ຈັດຂຶ້ນໃນວັນທີ 12 ພຶດສະພາ 2025, ໂດຍການເປັນປະທານຂອງ ສະຫາຍ ພົນຕີ ພັນແສງ ບຸນພັນ ກຳມະການຄະນະພັກກະຊວງປ້ອງກັນປະເທດ ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ ຫົວໜ້າຄະນະຊີ້ນຳຊ້ອມຮົບ, ມີຄະນະຮັບຜິດຊອບຊີ້ນຳຊ້ອມຮົບ, ບັນດາສະຫາຍຕາງໜ້າກົມໃຫຍ່, ກົມ, ກອງພັນໃຫຍ່, ກອງບັນຊາການພ້ອມດ້ວຍພະນັກງານ-ນັບຮົບເຂົ້າຮ່ວມ. ສະຫາຍ ພົນຕີ ພັນແສງ ບຸນພັນ ໄດ້ມີຄຳເຫັນໃນພິທີວ່າ: ຈຸດປະສົງ ແລະ ຄາດໝາຍການຊ້ອມຮົບໃນຄັ້ງນີ້ ເພື່ອເປັນການຮັກສາສະຖຽນລະພາບທາງດ້ານການເມືອງໄວ້ຢ່າງໝັ້ນຄົງ, ສັງຄົມມີຄວາມເປັນລະບຽບຮຽບຮ້ອຍ ແລະ…