Admin

ໂດຍປະຕິບັດຕາມມາດຕາ 60 ຂອງກົດໝາຍວ່າດ້ວຍສະພາແຫ່ງຊາດ ສະບັບປັບປຸງ ປີ 2020ແລະ ປະຕິບັດຕາມມະຕິຂອງຄະນະປະຈໍາສະພາແຫ່ງຊາດ ສະບັບເລກທີ158/ຄປຈ, ລົງວັນທີ 26 /05/2025ວ່າດ້ວຍການດໍາເນີນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ IX.ປະຕິບັດຕາມເນື້ອໃນຈິດໃຈດັ່ງກ່າວບັນດາກໍາມາທິການ, ຄະນະເລຂາທິການສະພາແຫ່ງຊາດ ໄດ້ປະສານສົມທົບກັບລັດຖະບານ ແລະ ພາກສ່ວນກ່ຽວຂ້ອງໃນການກະກຽມເນື້ອໃນທີ່ຈະນໍາສະເໜີຕໍ່ກອງປະຊຸມໃນຄັ້ງນີ້. ມາເຖິງປັດຈຸບັນ ເຫັນວ່າການກະກຽມແມ່ນຄົບຖ້ວນ, ສອດຄ່ອງກັບກົດໝາຍ ແລະ ນິຕິກຳໃຕ້ກົດໝາຍແລ້ວ. ທ່ານ ນາງ ອຳໄພວອນ ລ້ອມບຸນແພງ ກຳມະການສຳຮອງສູນກາງພັກ, ກໍາມະການຄະນະປະຈໍາສະພາແຫ່ງຊາດ, ເລຂາທິການສະພາແຫ່ງຊາດໃນການດໍາເນີນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ຖະແຫຼງຂ່າວຕໍ່ສື່ມວນຊົນໃນວັນທີ 5 ມິຖຸນາ ວ່າ: ໃນນາມເລຂາທິການສະພາແຫ່ງຊາດ, ຫົວໜ້າກອງເລຂາກອງປະຊຸມສະໄໝສາມັນເທື່ອທີ…

3 ອົງການຈັດຕັ້ງມະຫາຊົນກອງທັບ ໄດ້ຈັດພິທີປູກຕົ້ນໄມ້ ເນື່ອງໃນໂອກາດວັນເດັກສາກົນ ຄົບຮອບ 101 ປີ ແລະ ວັນປູກຕົ້ນໄມ້ແຫ່ງຊາດ ຄົບຮອບ 45 ປີ, ໃນວັນທີ 4 ມິຖຸນາ 2025, ຢູ່ທີ່ເດີ່ນກິລາກົມໃຫຍ່ການເມືອງກອງທັບ ໂດຍການນໍາພາຂອງ ສະຫາຍ ພັນເອກ ບຸນຄ່ອງ ອຸດທະຈັນດີ ຫົວໜ້າຫ້ອງການກຳມະບານກອງທັບ, ມີບັນດາສະຫາຍຄະນະຫ້ອງການຊາວໜຸ່ມກອງທັບ, ຫ້ອງການສະຫະພັນແມ່ຍິງກອງທັບ ແລະ ຫ້ອງການກໍາມະບານກອງທັບ ແລະ ບັນດາສະຫາຍສະມາຊິກຊາວໜຸ່ມ – ສະມາຊິກສະຫະພັນແມ່ຍິງ – ສະມາຊິກກຳມະບານກອງທັບເຂົ້າຮ່ວມ. ສະຫາຍ ພັນໂທ ສຸລິບັນ ສໍພາບປັນຍາ ຮອງຫົວໜ້າຫ້ອງການຊາວຫນຸ່ມກອງທັບ ໄດ້ກ່າວວ່າ: ຈຸດປະສົງຂອງການສ້າງຂະບວນການໃນຄັ້ງນີ້…

ວັນທີ 4 ມິຖຸນາ 2025 , ກອງບັນຊາການທະຫານຊາຍແດນ ໄດ້ຈັດພິທີປາຖະກະຖາວັນຜ່າວົງປິດລ້ອມຂອງ ກອງພັນທີ 2 ວິລະຊົນທີ່ທົ່ງໄຫຫີນແຂວງຊຽງຂວາງ ຄົບຮອບ 66 ປີ ( 18 ພຶດສະພາ 1959- 18 ພຶດສະພາ 2025 ) ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາຜູ້ນຳພັກ ແລະ ແນວລາວຮັກຊາດ ຄົບຮອບ 65 ປີ ( 24 ພຶດສະພາ 1960- 24 ພຶດສະພາ 2025 ) ໂດຍການເປັນປະທານ ແລະ ປາຖະກະຖາ…

ວັນທີ 3 ມິຖຸນາ 2025, ຫ້ອງວ່າການກະຊວງປ້ອງກັນປະເທດ ໄດ້ຈັດກອງປະຊຸມທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນປະເທດ ສະໄໝທີ Vl ຮອບທີ l, ໂດຍການເປັນປະທານ ຂອງສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ, ມີບັນດາຄະນະພັກ-ຄະນະບັນຊາ, ກົມ, ກອງ, ຫ້ອງການ, ລັດວິສາຫະກິດ ແລະ ສະມາຊິກພັກຫຼັກແຫຼ່ງທົ່ວຫ້ອງວ່າການກະຊວງປ້ອງກັນປະເທດເຂົ້າຮ່ວມ. ສະຫາຍ ພົນຕີ ໄພວັນ ຈັນທະພົມມາ ກໍາມະການຄະນະປະຈໍາພັກກົມໃຫຍ່, ຮອງຫົວໜ້າກົມໃຫຍ່ການເມືອງກອງທັບ ໄດ້ຜ່ານມາດຖານເງື່ອນໄຂຜູ້ທີ່ຈະຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນປະເທດ ສະໄໝທີ VI ຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ ຢຶດໝັ້ນອຸດົມການສັງຄົມນິຍົມ, ກຳແໜ້ນທິດສະດີ ມາກ-ເລນິນ, ມີຄຸນສົມບັດ…

ກະຊວງສຶກສາທິການ ແລະ ກິລາ ແຫ່ງ ສປປ ລາວ ໂດຍຮ່ວມມືກັບລັດຖະບານອົດສະຕຣາລີ ຜ່ານແຜນງານບີຄວາ ໄດ້ຈັດກອງປະຊຸມປຶກສາຫາລືກ່ຽວກັບຮ່າງຄຳແນະນຳການພັດທະນາວິຊາຊີບຄູແບບຕໍ່ເນື່ອງສຳລັບຄູສອນຊັ້ນປະຖົມສຶກສາ ທີ່ນະຄອນຫຼວງວຽງຈັນ ແລະ ທີ່ວິທະຍາໄລຄູ 3 ແຫ່ງ (ຫຼວງນໍ້າທາ, ຄັງໄຂ ແລະ ສະຫວັນນະເຂດ) ໃນວັນທີ 3-4 ມິຖຸນາ 2025, ໂດຍການເປັນປະທານຂອງທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ມີບັນດາກົມທີ່ກ່ຽວຂ້ອງ, 7 ພະແນກສຶກສາທິການ ແລະ ກິລາແຂວງ, 8 ວິທະຍາໄລຄູ, 3 ຫ້ອງການສຶກສາທິການ ແລະ…

ວັນທີ 3 ມິຖຸນາ 2025, ກົມ 213 ໄດ້ຈັດກອງປະຊຸມທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນປະເທດ ສະໄໝທີ VI ຮອບທີ 1 ໂດຍການເປັນປະທານ ຂອງສະຫາຍ ພົນຕີ ໄພວັນ ຈັນທະພົມມາ ກຳມະການຄະນະພັກກະຊວງປ້ອງກັນປະເທດ, ກຳມະການຄະນະປະຈຳພັກກົມໃຫຍ່, ປະທານກວດກາກົມໃຫຍ່, ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກອົງການກົມ 213, ຄະນະພັກຮາກຖານ, ຄະນະໜ່ວຍພັກ, ແຂກຖືກເຊີນ ແລະ ພະນັກງານຫຼັກແຫຼ່ງ ທົ່ວອົງການກົມ 213 ເຂົ້າຮ່ວມ. ສະຫາຍ ພັນໂທ ວັນທອງ ທຳມະຕານ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານມາດຖານເງື່ອນໄຂຜູ້ທີ່ຈະຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນປະເທດ ສະໄໝທີ…

ໝາກຂາມປ້ອມ ນອກຈາກຈະເປັນໝາກໄມ້ແລ້ວ ຍັງຖືກຈັດເປັນສະໝຸນໄພພື້ນບ້ານອີກຊະນິດໜຶ່ງ ທີ່ມີປະສິດທິພາບໃນການແກ້ໄອ, ມີວິຕາມິນຊີສູງ ແລະ ຍັງຊ່ວຍຕໍ່ຕ້ານອະນຸມູນອິດສະຫລະອີກດ້ວຍເຊິ່ງປະໂຫຍດຂອງໝາກຂາມປ້ອມມີດັ່ງນີ້:

😪🤢🦟ພະຍາດໄຂ້ເລືອດອອກເປັນເປັນພະຍາດຕິດຕໍ່ ທີ່ມີຍຸງລາຍເປັນພາຫະນໍາໂລກເຊື້ອ ອາການຂອງໄຂ້ເລືອດອອກທີ່ມີຫຼາຍຢ່າງຕັ້ງແຕ່ບໍ່ມີອາການຈົນເຖິງມີອາການຮຸນແແຮງ ແລະ ອາດຈະເສຍຊີວິດໄດ້ຖ້າບໍ່ໄດ້ຮັບການຮັກສາທີ່ຖືກຕ້ອງ ແລະ ທັນເວລາ ເຊິ່ງການສັງເກດອາການເບື້ອຕົ້ນກໍແມ່ນກຸນແຈສຳຄັນໃນການຮັກສາໂລກ ກ່ອນທີ່ຈະມີອາກາດຮຸນແຮງ 1, ໄລຍະໄຂ້ສູງ ອາການຄື: ມີໄຂ້ສູງເຖິງ 39-40 ອົງສາ, ປວດຫົວຮຸນແຮງໂດຍສະເພາະບໍລິເວນໜ້າຜາກແລະອ້ອມຮອບດວງຕາ, ປວດເມື່ອຍຕາມຕົວອາດຈະເປັນກ້າມເນື້ອ ຫຼື ຂໍ້ກະດູກ, ເບື່ອອາຫານ, ອາຈຽນ,​ ໜ້າແດງ, ຜິວແດງ, ຕ່ອມນໍ້າເຫຼືອງຂະຫຍາຍໃຫ່ຍຂຶ້ນ ເຊິ່ງໄລຍະນີ້ແມ່ນຈະມີໄຂ້ສູງຕະຫຼອດໄລຍະເວລາ 2-7 ມື້ 2, ໄລຍະວິກິດ ອາການຄື: ໄຂ້ລົດລົງ, ອາດຈະມີພາວະຊ໊ອກ, ຄວາມດັນຕໍ່າ, ເລືອດດັງໄຫຼ ຫຼື ຖ່າຍເປັນເລືອດ ເປັນໄລຍະທີ່ຕ້ອງເຝົ້າລະວັງເປັນພິເສດ ໄລຍະນີ້ເກີດຂຶ້ນຫຼັງຈາກໄຂ້ລົງປະມານວັນທີ 3-7 ວັນ…

ແຫຼ່ງຂໍ້ມູນ:ກົມອະນາໄມ

ເຖິງແມ່ນວ່າເຮົາຈະບໍ່ໄດ້ນອນ 1 ຊົ່ວໂມງ ກໍມີຜົນຕໍ່ພຶດຕິກໍາໃນການໃຊ້ຊີວິດໄດ້ເຊັ່ນການຊ່ວຍເຫລືອຄົນອື່ນ ແລະ ການອົດນອນຈະສົ່ງຜົນຕໍ່ສະໝອງເຊິ່ງກົງກັບທິດສະດີຈິດໃຈ ທີ່ເຮັດໃຫ້ຄົນເຮົາມີຄວາມກະຕືລືລົ້ນໃນການໃຊ້ຊີວິດໜ້ອຍລົງ, ຖືໄດ້ວ່າການນອນເປັນໜຶ່ງໃນວິທີພັກຜ່ອນທີ່ສົ່ງຜົນດີຕໍ່ຮ່າງກາຍ ແລະ ຈິດໃຈ, ເມື່ອເຮົານອນເຕັມອີ່ມ ຫລື ພັກຜ່ອນຢ່າງພຽງພໍ ຈະເຮັດໃຫ້ຊີວິດໃນແຕ່ລະມື້ນັ້ນມີຊີວິດຊີວາຂຶ້ນ.ເວົ້າມາແລ້ວກະຂໍຕົວໄປພັກຜ່ອນກ່ອນ😴 ເພື່ອຈະໄດ້ກະຕືລືລົ້ນຂຶ້ນ😄

ຊ່ວງນີ້ໄຂ້ຍຸງກໍາລັງລະບາດຢ່າງຮຸນແຮງໃນບ້ານເຮົາ ເພື່ອປ້ອງກັນຕົວເຮົາເອງຈາກພະຍາດໄຂ້ຍຸງລາຍ ຄວນເລີ່ມຈາກການປ້ອງກັນ ແລະ ຢຸດຢັ້ງການແຜ່ພັນຂອງຍຸງລາຍ ພວກເຮົາເລີຍມີວິທີກໍາຈັດໜອນນໍ້າມາໃຫ້ທຸກຄົນໄດ້ປະຕິບັດຈາກໝາກຂີ້ຫູດດັ່ງນີ້:.1 ເອົາໝາກຂີ້ຫູດມານວດ ໃຫ້ນໍ້າມັນຊຶມອອກ ຫລັງຈາກນັ້ນນໍາໄປໃສ່ພາຊະນະທີ່ມີນໍ້າຂັງ2 ນໍ້າມັນໝາກຂີ້ຫູດຈະເຮັດ ໜອນນໍ້າຍຸງລາຍບໍ່ສາມາດຂຶ້ນມາຫາຍໃຈໄດ້3 ກິ່ນນໍ້າມັນໝາກຂີ້ຫູດ ຈະປ້ອງກັນບໍ່ໃຫ້ຍຸງລາຍເຂົ້າມາວາງໄຂ່ໃສ່4 ປ່ຽນຖ່າຍໝາກຂີ້ຫູດທຸກໆ 3 ມື້.

ເຖົ້າແກ່ ປູ່ຍ່າຕານາຍເຄີຍເຕືອນໄວ້ ໃຫ້ລະວັງ ນ້ຳກາງເດືອນແປດ, ເດືອນເກົ້າເຂົ້າສູ່ເດືອນສິບ ຫຼື ເດືອນກໍລະກົດ-ເດືອນກັນຍາ-ເດືອນຕຸລາຂອງແຕ່ລະປີ, ເພາະວ່າໄລຍະນີ້ຢູ່ໃນໄລຍະລະດູຝົນ ຕົກແຮງຕົກໜັກ ເຮັດໃຫ້ຫ້ວຍນ້ຳລຳເຊຍັງ ແຕ່ລະສາຍເຕັມໄປດ້ວຍມວນນ້ຳ ແລະ ຈະມີນ້ຳຖ້ວມໃນຫຼາຍພື້ນທີ່ ອັນນຳໄປສູ່ຄວາມເດືອດຮ້ອນ ແລະ ຄວາມສູນເສຍ ທາງດ້ານຊີວິດ ແລະ ຊັບສິນ ກໍຄືການດຳລົງຊີວິດຂອງປະຊາຊົນເປັນບໍລິເວນກວ້າງ. ຈາກການຕິດຕາມສະພາບດິນຟ້າອາກາດຜ່ານມາແຕ່ລະປີ ຢູ່ໃນໄລຍະນີ້ມັກເກີດມີລົມພາຍຸພັດຜ່ານເຮັດໃຫ້ມີຝົນຕົກໜັກ ແລະ ມັກຈະມີເກີດນ້ຳຖ້ວມຢູ່ຫຼາຍພື້ນທີ່ທົ່ວປະເທດ ຖ້ວມເຮືອນຊານ ບ້ານຊ່ອງ ເນື້ອທີ່ການຜະລິດ ຜົນຜະລິດ ພື້ນຖານໂຄງລ່າງຂອງການພັດທະນາຖືກເສຍຫາຍເປັນຈຳນວນຫຼາຍ, ຊຶ່ງແຕ່ລະປີລັດຖະບານ, ພາກເອກະຊົນ ແລະ ອົງການຈັດ ຕັ້ງຕ່າງໆ ທັງພາຍໃນແລະສາກົນໄດ້ສຸມທຶນຮອນອັນມະຫາສານ ເຂົ້າຊ່ວຍເຫຼືອຟື້ນຟູປົວແປງ ສິ່ງທີ່ເສຍຫາຍໄປນັ້ນໃຫ້ດີຂຶ້ນມາຕະຫຼອດ,ດັ່ງນັ້ນ ປະຊາຊົນເຮົາຈົ່ງມີສະຕິລະມັດລະວັງກຽມຮັບມືໄວ້ແຕ່ຫົວທີ ເພື່ອຮັບມືກັບໄພທຳມະຊາດໂດຍສະເພາະແມ່ໄພນ້ຳຖ້ວມທີ່ອາດຈະເກີດຂຶ້ນໃນຕໍ່ໜ້າກໍເປັນໄດ້. ບົດຮຽນອັນລ້ຳຄ່າທີ່ພວກເຮົາປະສົບພົບພໍ້ໃນປີຜ່ານມາແມ່ນໄພນ້ຳຖ້ວມ…

ວັນທີ 30 ພຶດສະພາ 2025 ກອງບັນຊາການທະຫານຊາຍແດນໄດ້ຈັດກອງປະຊຸມທາບທາມບຸກຄະລາກອນສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນປະເທດ ສະໄໝທີ Vl ຮອບທີ 1 ໂດຍການເປັນປະທານ ຂອງສະຫາຍ ພົນຕີ ໄພວັນ ຈັນທະພົມມາ ກຳມະການຄະນະພັກກະຊວງປ້ອງກັນປະເທດ, ກໍາມະການຄະນະປະຈໍາພັກກົມໃຫຍ່, ປະທານກວດກາພັກກົມໃຫຍ່, ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຈັດຕະວາ ສີ ທະວີໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານຊາຍແດນ, ມີບັນດາສະຫາຍໜ່ວຍງານຈາກກະຊວງປ້ອງກັນປະເທດ, ຄະນະຈັດຕັ້ງສູນກາງພັກ, ມີຄະນະພັກ-ຄະນະບັນຊາພ້ອມດ້ວຍພະນັກງານຫຼັກແຫຼ່ງຢູ່ໃນທົ່ວກອງບັນຊາການທະຫານຊາຍແດນເຂົ້າຮ່ວມ. ສະຫາຍ ພັນໂທ ວັນທອງ ທຳມະຕານ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບໄດ້ຜ່ານມາດຖານເງື່ອນໄຂຜູ້ທີ່ຈະສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກ ກະຊວງປ້ອງກັນປະເທດ ສະໄໝທີ VI ຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ ຢຶດໝັ້ນອຸດົມການສັງຄົມນິຍົມ, ກຳແໜ້ນທິດສະດີມາກ-ເລນິນ,…

ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ຄົບຮອບ 45 ປີ (ວັນທີ 1 ມິຖຸນາ 1980-1 ມິຖຸນາ 2025) ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດກິດຈະກໍາປູກຕົ້ນໄມ້ ໃນວັນທີ 30 ພຶດສະພາ 2025, ໂດຍການເຂົ້າຮ່ວມຂອງສະຫາຍ ພົນຕີ ວົງສອນ ອິນປານພິມ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະອຳນວຍການ ໂຮງຮຽນວັດທະນະທຳຊົນເຜົ່າກອງທັບ, ແຂກຖືກເຊີນ ພ້ອມດ້ວຍພະນັກງານ-ນັກຮົບ ແລະ ນ້ອງນ້ອຍນັກຮຽນເຂົ້າຮ່ວມຢ່າງເປັນຂະບວນການຟົດຟື້ນ. ສະຫາຍ ພົນຕີ ວົງສອນ ອິນປານພິມ ໄດ້ມີຄຳເຫັນໂອ້ລົມເຊິ່ງສະຫາຍຍົກໃຫ້ເຫັນຄວາມໝາຍ ຄວາມສຳຄັນ ຂອງວັນປູກຕົ້ນໄມ້ແຫ່ງຊາດ ແລະ ຄຸນປະໂຫຍດຢ່າງຫຼວງຫຼາຍຂອງປ່າໄມ້ ທີ່ຕິດພັນກັບຊີວິດການເປັນຢູ່ ຂອງປະຊາຊົນລາວບັນດາເຜົ່າ,…

‎ ວັນທີ 30 ພຶດສະພາ 2025, ທີ່ໂຮງພິມກອງທັບ ຫຼັງໃໝ່ ບ້ານໂນນສະອາດ, ເມືອງໄຊທານີ, ນະຄອນຫຼວງວຽງຈັນ ໄດ້ຈັດພິທີປູກຕົ້ນໄມ້ ເນື່ອງໃນໂອກາດວັນເດັກນ້ອຍສາກົນ ຄົບຮອບ 101 ປີ ແລະ ວັນປູກຕົ້ນໄມ້ແຫ່ງຊາດ ຄົບຮອບ 45 ປີ, ໂດຍການເປັນປະທານຂອງສະຫາຍ ພົນໂທ ສາດສະດາຈານ ປະລິນຍາເອກ ທອງລອຍ ສີລິວົງ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ, ມີຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ, ຫົວໜ້າຫ້ອງການບໍລິຫານກົມໃຫຍ່ການເມືອງກອງທັບ, ອຳນວຍການໂຮງພິມກອງທັບ, ຄະນະພັກ-ຄະນະບັນຊາ, ພະນັກງານ-ນັກຮົບທົ່ວໂຮງພິມກອງທັບເຂົ້າຮ່ວມ. ‎ ໂອກາດນີ້, ສະຫາຍ ພົນໂທ ສາດສະດາຈານ ປະລິນຍາເອກ…