Admin

ເດິກດື່ນ ທ່ຽງຄືນ ບໍ່ຍອມຫລັບຍອມນອນ ອາດສົ່ງຜົນຮ້າຍຕໍ່ຮ່າງກາຍໄດ້ ຫາກໄດ້ຮັບການພັກຜ່ອນທີ່ບໍ່ພຽງພໍ ບັນຫາດ້ານສຸຂະພາບກໍຈະຖາມຫາແນ່ນອນ. ຮູ້ຫລືບໍ່ວ່າການນອນໜ້ອຍມີຜົນຕໍ່ນຳ້ໜັກຕົວຂອງທ່ານນຳ ເຮັດໃຫ້ຕຸ້ຍງ່າຍກ່ວາຄົນທີ່ນອນຕາມເວລາປົກກະຕິ.ເພາະການນອນໜ້ອຍ ຫລື ນອນບໍ່ພຽງພໍ ລວມທັງການນອນບໍ່ເປັນເວລາ ຈະສົ່ງຜົນກະທົບເຮັດໃຫ້ຮໍໂມນໃນຮ່າງກາຍມີຄວາມຜິດປົກກະຕິ ສົ່ງຜົນຕໍ່ລະດັບນຳ້ຕານໃນເລືອດ ເຮັດໃຫ້ຮໍໂມນເກຣລິນທີ່ກະຕຸ້ນໃຫ້ຫິວເພີ່ມສູງຂຶ້ນ ແລະ ເຮັດໃຫ້ຮໍໂມນເລັບຕິນ ເຊິ່ງເປັນຮໍໂມນຄວາມອີ່ມຫລຸດລົງ ທັງນີ້ການນອນໜ້ອຍຍັງກະຕຸ້ນໃຫ້ຮູ້ສຶກຫິວອາຫານທີ່ມີໄຂມັນ ແລະ ຄາໂບໄຮເດຣດສູງຂຶ້ນນຳ ດ້ວຍເຫດນີ້ຈຶ່ງເພີ່ມໂອກາດສ່ຽງໃນການເພີ່ມຂຶ້ນຂອງນຳ້ໜັກ ແລະ ເຮັດໃຫ້ທ່ານຕຸ້ຍຂຶ້ນໄດ້ໄວຫລາຍ. ນອກຈາກນີ້ແລ້ວອາດກະທົບຕໍ່ການເຮັດວຽກຂອງແຊນສະໝອງ ເຮັດໃຫ້ສະໝອງຂອງທ່ານຮູ້ສຶກເຄັ່ງຄຽດ ທັງຍັງສົ່ງຜົນຕໍ່ເລື່ອງຂອງສະພາບອາລົມໄດ້ນຳ ເຊິ່ງຄົນນອນໜ້ອຍ ຫລື ນອນບໍ່ພຽງພໍ ຈະມີອາລົມບໍ່ຄົງທີ່, ຫງຸດຫງິດງ່າຍ, ສະມາທິສັ້ນ, ອົດທົນຕໍ່ສິ່ງໃດໄດ້ບໍ່ດົນ ແລະ ອາດຈະສົ່ງຜົນກະທົບຕໍ່ປະສິດທິພາບໃນການເຮັດວຽກ ລວມເຖິງການຮຽນນຳ

ຈາກການຮຽນການສອນໃນວິຊາເຄມີ ເລື່ອງໄຂມັນ ແລະ ນຳ້ມັນ ກັບຄຳຖາມທີ່ວ່າ ນຳ້ມັນພືດກັບນຳ້ມັນສັດ ນຳ້ມັນຊະນິດໃດດີກ່ວາກັນ ? ຄຳຖາມຈາກນັກຮຽນຖືເປັນຈຸດເລີ່ມຕົ້ນແຫ່ງການຮຽນຮູ້ ແລະ ນຳໄປສູ່ການສ້າງອົງຄວາມຮູ້ ແລະ ເກີດເປັນອົງຄວາມຮູ້ຝັງແໜ້ນ ປູກຝັງໃຫ້ນັກຮຽນເກີດທັກສະຂະບວນການທາງວິທະຍາສາດ ແລະ ເປັນການສ້າງຄະຕິທີ່ດີຕໍ່ການຮຽນວິຊາວິທະຍາສາດ ເຊິ່ງເປັນພື້ນຖານຂອງການສ້າງນະວັດຕະກຳໃນອະນາຄົດ.

ສຳລັບທ່ານໃດທີ່ກຳລັງຈະຫລຸດນຳ້ໜັກ ເພື່ອໃຫ້ມີຮູບຮ່າງທີ່ດີ, ການຫລຸດນຳ້ໜັກ ຫລື ຄວບຄຸມອາຫານນັ້ນ ສິ່ງທີ່ຕ້ອງຫລຸດຫລາຍທີ່ສຸດແມ່ນແປ້ງ, ແຕ່ເຊື່ອຫລືບໍ່ວ່າ ການກິນມັນດ້າງທີ່ເປັນອາຫານປະເພດແປ້ງ ມີຄາໂບໄຮເດຣດສູງ ຊະນິດທີ່ຄົນຢ້ານຕຸ້ຍຢ້ານນັ້ນ ສາມາດຊ່ວຍຫລຸດນຳ້ໜັກໄດ້ດີ ເຊິ່ງຄວາມຈິງກ່ຽວກັບເລື່ອງນີ້ຈະເປັນມາແນວໃດນັ້ນ ມາເບິ່ງພ້ອມກັນເລີຍ.ມັນດ້າງ ເປັນພືດຫົວຊະນິດໜຶ່ງທີ່ມີກາກໄຍຫລາຍທີ່ສຸດໃນຈຳນວນພືດທັງໝົດ ເຊິ່ງມີສັບພະຄຸນຊ່ວຍຫລຸດລະດັບຄໍເລສເຕີໂຣນ, ອຸດົມໄປດ້ວຍສານອາຫານ, ແຮ່ທາດ ແລະ ວິຕາມິນຫລາຍຊະນິດ ເຊັ່ນ: ໂປຕັສຊຽມ ມີສ່ວນຊ່ວຍກຳຈັດໂຊດຽມສ່ວນເກີນໃນຮ່າງກາຍ, ຊ່ວຍປັບຄວາມດຸ່ນດ່ຽງຂອງໂຊດຽມໄດ້ເປັນຢ່າງດີ, ວິຕາມິນ A, ແບຕ້າແຄໂຣທີນ ເມື່ອປຸງແຕ່ງສຸກແລ້ວຈະໃຫ້ລົດຊາດນຸ້ມ ແລະ ຫວານ, ກິນແຊບອີ່ມທ້ອງ ແລະ ໃຫ້ພະລັງງານໜ້ອຍກ່ວາເມື່ອທຽບກັບເຂົ້າໃນປະລິມານເທົ່າກັນ ຈຶ່ງໃຫ້ຜົນໃນການຫລຸດນຳ້ໜັກ ຫລື ຫລຸດຄວາມຕຸ້ຍໄດ້ດີກ່ວາ.ການຫລຸດນຳ້ໜັກດ້ວຍການກິນມັນດ້າງແທນເຂົ້າ ຈະເຮັດໃຫ້ບໍ່ເກີດຄວາມເຄັ່ງຄຽດ, ໄດ້ສານອາຫານທີ່ເປັນປະໂຫຍດຕໍ່ຮ່າງກາຍ ຈຶ່ງເໝາະສົມເປັນອາຫານສຳລັບຄົນທີ່ຢາກຫລຸດນຳ້ໜັກເປັນຢ່າງຍິ່ງ ແລະ ນອກຈາກນີ້,…

ມະນຸດສາມາດຮັບຮູ້ຄວາມຮູ້ສຶກໄດ້ຫລາຍທາງ ເມື່ອມີສິ່ງຕ່າງໆມາກະຕຸ້ນ ເຊິ່ງສາຍຕາເປັນໜຶ່ງສຳຜັດທີ່ປຸງແຕ່ງສະພາບດ້ານອາລົມໄດ້ດີ, ນັກປຸງແຕ່ງອາຫານສ່ວນຫລາຍໄດ້ເອົາຄວາມແຕກຕ່າງຂອງສີມາເປັນຕົວຊ່ວຍໃນການກະຕຸ້ນຄວາມຢາກອາຫານຂອງຜູ້ບໍລິໂພກ ລວມໄປເຖິງການໃຊ້ພາຊະນະໃສ່ອາຫານ, ການອອກແບບ, ການຕົກແຕ່ງ ແລະ ການສ້າງບັນຍາກາດພາຍໃນເຮືອນ ເຊິ່ງສິ່ງນີ້ສະແດງວ່າສີມີຜົນຕໍ່ຄວາມຮູ້ສຶກທີ່ແຕກຕ່າງກັນອອກໄປນັ້ນເອງ.

ແມ່ນເລື່ອງປົກກະຕິແທ້ບໍ? ເວລາກິນອາຫານເຜັດແລ້ວແສບທ້ອງຕະຫຼອດ ອາດຈະນໍາໄປສູ່ໂຣກຮ້າຍທີ່ອັນຕະລາຍຕໍ່ສຸຂະພາບໄດ້😥🌶🌶 ໃນຊ່ວງໄວລຸ້ນ ຫາ ໄວກາງຄົນ ການກິນເຜັດຖືວ່າເປັນຂອງຄູ່ກັນ ບາງຄົນຕິດກິນເຜັດຈົນຕ້ອງກິນທຸກມື້ ສົ່ງຜົນໃຫ້ບາງຄັ້ງອາດມີອາການແສບທ້ອງ ແລະ ມີອາການເຈັບທ້ອງຮ່ວມນໍາ ເເຕ່ຮູ້ບໍວ່າການກິນເຜັດແລ້ວແສບທ້ອງບໍ່ແມ່ນເລື່ອງປົກກະຕິ ແລະ ບໍ່ຄວນປ່ອຍຜ່ານ ເພາະອາດຈະເປັນສັນຍານເຕືອນຂອງໂຣກທາງເດີນອາຫານເຊັ່ນ:

ປະລິມານ ນໍ້າຕານ ທີ່ຄວນໄດ້ຮັບໃນໜຶ່ງມື້ ແຕ່ລະໄວອາຍຸຄວນກິນເທົ່າໃດ ຈຶ່ງບໍ່ຕຸ້ຍ.ເປັນຫຍັງເຮົາຈຶ່ງບໍ່ຄວນກິນນໍ້າຕານຫລາຍເກີນໄປໃນ 1 ມື້ ເພາະວ່າການກິນນໍ້າຕານຫລາຍເກີນໄປ ຈະກາຍເປັນພະລັງງານສ່ວນເກີນ ເຮັດໃຫ້ຮ່າງກາຍເກັບສະສົມໄວ້ໃນຮ່າງກາຍໃນຮູບແບບໄຂມັນ ສົ່ງຜົນເຮັດໃຫ້ນໍ້າໜັກເພີ່ມຂຶ້ນ.ແລ້ວປະລິມານນໍ້າຕານທີ່ຄວນກິນໃນ 1 ມື້ ຕາມຊ່ວງອາຍຸ ຄວນເທົ່າໃດ?ອົງການອະນາໄມໂລກແນະນໍາວ່າບໍ່ຄວນກິນນໍ້າຕານເກີນ 10% ຂອງພະລັງງານທັງໝົດທີ່ໄດ້ຮັບໃນແຕ່ລະມື້ ຫລື ຄິດໄລ່ເປັນປະລິມານນໍ້າຕານໄດ້ 6 ບ່ວງກາເຟ ຫລື 24 ກຣາມ, ແຕ່ກໍບໍ່ສະເໝີໄປ ເພາະຊ່ວງໄວອາຍຸມີການໃຊ້ພະລັງງານທີ່ຕ່າງກັນ ເຊິ່ງແຕ່ລະໄວອາຍຸຈຶ່ງຄວນກິນນໍ້າຕານໃຫ້ເໝາະສົມດັ່ງນີ້:

ອີງຕາມບົດສະຫຼຸບວຽກງານຮອບດ້ານ ປະຈຳ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2025 ຂອງກົມໂຄສະນາອົບຮົມ ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບໃຫ້ຮູ້ວ່າ: ໃນ 6 ເດືອນຕົ້ນປີ 2025 ກົມໂຄສະນາອົບຮົມ ສາມາດຍາດໄດ້ຜົນສຳເລັດຫຼາຍດ້ານທີ່ພົ້ນເດັ່ນ ເປັນຕົ້ນແມ່ນ ໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດໃຫ້ພະນັກງານສະມາຊິກພັກ-ນັກຮົບ ຮັບຮູ້, ເຂົ້າໃຈຕໍ່ແນວທາງນະໂຍບາຍຂອງພັກ-ລັດ ແຕ່ລະໄລຍະ, ກຳແໜ້ນ ຂໍ້ກຳນົດກົດລະບຽບຂອງກອງທັບ, ເອກະສານຕ່າງໆ ທີ່ສະແດງເຖິງທາດແທ້ມູນເຊື້ອຂອງຊາດ, ຂອງກອງທັບ, ມູນເຊື້ອຂອງກົມກອງໂດຍຢຶດໝັ້ນໃນການຊີ້ນໍາ-ນໍາພາຂອງພັກ-ລັດກໍຄືກະຊວງປ້ອງກັນປະເທດວາງອອກ, ອັນພົ້ນເດັ່ນກວ່າໝູ່ ແມ່ນສ້າງໄດ້ຄວາມສາມັກຄີເປັນເອກະພາບ ທັງພາຍໃນ ແລະ ພາຍນອກ ດ້ວຍຄວາມຮັບຜິດຊອບສູງ, ມີຄວາມຫ້າວຫັນ…

ລັດຖະທໍາມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແມ່ນໝາກຜົນລວມຍອດຂອງການປະຕິວັດຊາດ ປະຊາທິປະໄຕ ພາຍໃຕ້ການນໍາພາ ຂອງພັກປະຊາຊົນ ປະຕິວັດລາວ; ແມ່ນຜົນງານອັນໃຫຍ່ຫຼວງ ຂອງປະຊາຊົນລາວບັນດາເຜົ່າ ໃນການປະຕິບັດພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄື ພາລະກິດປ່ຽນແປງໃໝ່ຮອບດ້ານທີ່ມີຫຼັກການຂອງພັກ; ເປັນການຢືນຢັນ ເຖິງຄວາມເປັນເອກະລາດ, ອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດເຮົາຕໍ່ກັບສາ ກົນ, ທັງສ່ອງແສງຢ່າງຈະແຈ້ງ ແລະ ຄົບຖ້ວນເຖິງຄວາມມຸ່ງມາດປາຖະໜາອັນສູງສົ່ງ ແລະ ຄວາມເດັດ ດ່ຽວຕັດສິນໃຈຢ່າງແຮງກ້າ ຂອງວົງຄະນະຍາດແຫ່ງຊາດລາວ ເພື່ອພ້ອມກັນສູ້ຊົນບຸກບືນສ້າງລັດເຮົາ ໃຫ້ເປັນລັດທີ່ປົກຄອງດ້ວຍກົດໝາຍຂອງປະຊາຊົນ ໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ ແນໃສ່ບັນລຸຈຸດໝາຍສ້າງປະເທດຊາດ ມັ່ງຄັ່ງ ເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມສາມັກຄີປອງດອງ,…

ວັນທີ 12 ສິງຫາ 2025, ຄະນະໂຄສະນາອົບຮົມສູນກາງພັກ ຮ່ວມກັບກະຊວງວັດທະນະທໍາ ແລະ ການທ່ອງທ່ຽວ ໄດ້ຈັດພິທີໂຮມຊຸມນຸມໃຫຍ່ສະເຫຼີມສະຫຼອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ (13 ສິງຫາ 1950 – 13 ສິງຫາ 2025), ໂດຍໃຫ້ກຽດເຂົ້າຮ່ວມຂອງ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ ນາຍົກລັດຖະມົນຕີ, ມີບັນດາການນໍາກະຊວງ, ຫົວໜ້າກົມ, ຫົວໜ້າສໍານັກສື່ມວນຊົນຕ່າງໆ, ພະນັກງານ ປະຕິວັດອາວຸໂສບຳນານ ແລະ ສື່ມວນຊົນເຂົ້າຮ່ວມ. ທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ…

ພິທີໂຮມຊຸມນຸມໃຫຍ່ ສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950 – 13 ສິງຫາ 2025) ໄດ້ຈັດຂຶ້ນວັນທີ 13 ສິງຫາ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ມີບັນດາສະຫາຍກຳມະການ ກົມການເມືອງສູນກາງພັກ, ຄະນະເລຂາທິການສູນກາງພັກ, ກຳມະການສູນກາງພັກ, ບັນດາສະຫາຍອະດີດການນໍາຂັ້ນສູງພັກ-ລັດ, ພະນັກງານປະຕິວັດອາວຸໂສ, ທູດ-ທູຕານຸທູດຈາກປະເທດເພື່ອນ ມິດ ແລະ ອົງການຈັດຕັ້ງສາກົນ, ພ້ອມດ້ວຍອົງຈັດຕັ້ງຊາວໜຸ່ມ-ເຍົາວະຊົນ ແລະ ພາກສ່ວນກ່ຽວຂ້ອງເຂົ້າຮ່ວມ.…

ຟ້າຜ່າເກີດຈາກການສະສົມຂອງປະຈຸໄຟຟ້າພາຍໃນກ້ອນເມກ ເມື່ອກ້ອນເມກມີປະຈຸໄຟຟ້າສະສົມຫຼາຍເກີນໄປ ຈະເກີດກາຍຄາຍປະຈຸເຮັດໃຫ້ເກີດຟ້າເມບ ແລະ ຟ້າຜ່າ ເຊິ່ງການຄາຍປະຈຸໄຟຟ້ານີ້ອາດເກີດຂຶ້ນລະຫວ່າງກ້ອນເມກ ຫຼື ລົງມາທີ່ພື້ນດິນຈຶ່ງເຮັດເຊິ່ງເຮົາເອີ້ນປາກົດການນີ້ວ່າ “ຟ້າຜ່າ”.ມື້ນີ້ລາວໂພສຈະມາບອກ 6 ຂໍ້ຄວນປະຕິບັດເວລາທີ່ຝົນຕົກຟ້າຮ້ອງເພື່ອລົດອັດຕາສ່ຽງ “ຟ້າຜ່າ”1.ຫ້າມໃຊ້ໂທລະສັບ, ເນື່ອງຈາກໂທລະສັບມີວັດສະດຸຈໍາພວກໂລຫະເປັນສ່ວນປະກອບ ສາມາດເປັນສື່ນໍາໄຟຟ້າ2.ຫ້າມນໍາໃຊ້ອຸປະກອນໄຟຟ້າ ແລະ ອຸປະກອນເອເລັກໂຕນິກອື່ນໆ3.ຄວນນໍາເຄື່ອງປະດັບທີ່ເປັນໂລຫະອອກຈາກຮ່າງກາຍ4.ຖ້າຫາກເຮົາຢູ່ໃນລົດຕອນຝົນຕົກຟ້າຮ້ອງ ໃຫ້ຈອດລົດຫ່າງຈາກບໍລິເວນທີ່ມີຕົ້ນໄມ້ໃຫ່ຍ, ຕຶກສູງ, ເສົາໄຟຟ້າ, ປ້າຍໂຄສະນາ…5.ຖ້າຢູ່ໃນຕຶກ ຫຼື ອາຄານຄວນປິດປະຕູ – ປ່ອງຢ້ຽມຽໃຽໃຫ້ໜາແໜ້ນທຸກບານ ພ້ອມຢູ່ຫ່າງຈາກຝາຕຶກ ແລະ ປະຕູ – ປ່ອງຢ້ຽມ6.ຖອດປັກສຽບອຸປະກອນເຄື່ອງອງໃຊ້ໄຟຟ້າອອກໃຫ້ໝົດ ເພື່ອປ້ອງກັນໄຟຟ້າລັດວົງຈອນອັນເປັນສາເຫດຂອງອັກຄີໄພທີ່ຈະຕາມມາ

ຈູດຂີ້ເຫຍື້ອສົ່ງຜົນຮ້າຍຕໍ່ຮ່າງກາຍ ຮ້າຍແຮງແມ່ນສ່ຽງເປັນມະເຮັງບໍ່ຮູ້ໂຕ ເນື່ອງຈາກປັດຈຸບັນ, ບັນຫາການຈັດການຂີ້ເຫຍື່ອໃນຫຼາຍໆເຂດຍັງບໍ່ສາມາດຮັບປະກັນໄດ້ ເນື່ອງຈາກປັດໃຈຫຼາຍໆຢ່າງເຊັ່ນ: ລົດເກັບຂີ້ເຫຍື້ອບໍ່ມາຕາມນັດ, ສັດລ້ຽງໄຈ້ຖົງຂີ້ເຫຍື້ອ,​ ບາງກຸ່ມຄົນເອົາຂີ້ເຫຍື້ອໄປຖິ້ມຢູ່ດິນວ່າງ,​ ບາງຄົນເລືອກທີ່ຈະຈູດ ແລະ ອື່ນໆ… ການຈູດຂີ້ເຫຍື້ອ ໂດຍສະເພາະຂີ້ເຫຍື້ອປລາສຕິກ PUV ເຊັ່ນ: ແນວຫໍ່ອາຫານ, ສາຍໄຟ, ສະຫຼາກເຄື່ອງດື່ມ ຜະລິດຕະພັນຕ່າງໆ ຖ້າຈູດໃນອຸນຫະພູມຕ່ຳຈະເຮັດໃຫ້ເກີດກາດສ Dioxin ເຊິ່ງເປັນສານກໍ່ມະເຮັງຕົກຄ້າງຢູ່ໃນທຳມະຊາດໄດ້ເປັນໄພຕໍ່ລະບົບປະສາດ ແລະ ດວງຕາ, ທີ່ສຳຄັນຄືມີຂະໜາດນ້ອຍ, ບໍ່ມີສີ, ບໍ່ມີກິ່ນ ເມື່ອສູດດົມເຂົ້າໄປບໍ່ຮູ້ໂຕ. ອາດຈະເກີດອາການລະຄາຍເຄື່ອງຕໍ່ຮ່າງກາຍໄດ້ ສະນັ້ນ, ບໍ່ຄວນທີ່ຈະຈູດຂີ້ເຫຍື້ອຊະຊາຍ ໂດຍສະເພາະໃນບໍລິເວນຕົວເມືອງ ທີ່ມີປະຊາກອນອາໃສຢູ່ຈຳນວນຫຼາຍ ເຮົາຄວນກຳຈັດຂີ້ເຫຍື້ອໃຫ້ຖືກວິທີ ບໍ່ວ່າຈະເປັນການແຍກປະເພດຂີ້ເຫຍື້ອ ແລະ ໃຫ້ໜ່ວຍງານເກັບກູ້ຂີ້ເຫຍື້ອມາຈັດການ ເພື່ອທຳລາຍຂີ້ເຫຍື້ອໃຫ້ຖືກວິທີ ແລະ ປອດໄພຕໍ່ຄົນເຮົາທີ່ສຸດ.

ໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນ ຄັ້ງທີ VI ຂອງອົງຄະນະພັກ ກະຊວງປ້ອງກັນປະເທດ ໃນລະຫວ່າງວັນທີ 07-08 ສິງຫາ 2025, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ, ປະທານຄະນະກຳມະການ ປກຊ-ປກສ ສູນກາງ ໄດ້ເນັ້ນໜັກຫຼາຍບັນຫາສຳຄັນ ຕໍ່ກອງທັບກອງທັບປະຊາຊົນລາວຄື: ໃຫ້ສືບຕໍ່ເສີມຂະຫຍາຍມູນເຊື້ອສ້າງກອງທັບປະຊາຊົນລາວ ໃຫ້ກາຍເປັນກໍາລັງ ແລະ ພາຫະນະອັນແຫຼມຄົມ ແລະ ເປັນກໍາລັງທີ່ເດັດດ່ຽວຢຶດໝັ້ນບົດບາດການນໍາພາເດັດຂາດໂດຍກົງ ແລະ ຮອບດ້ານຂອງພັກ; ບົນພື້ນຖານຄວາມເປັນຈິງທີ່ໄດ້ຢັ້ງຢືນແລ້ວ ວ່າ: ນັບແຕ່ມື້ສ້າງຕັ້ງຈົນເຖິງປັດຈຸບັນ, ກອງທັບເຮົາຍາມໃດກໍມີຄວາມບໍລິສຸດຕໍ່ພັກ, ຈົງຮັກພັກດີຕໍ່ປະຊາຊົນ ຕໍ່ຊາດ, ກຽມພ້ອມສູ້ຮົບ ແລະ ສູ້ຮົບມີໄຊ…