Admin

ໃນວັນທີ 7 ກັນຍາ 2025, ສະຫາຍ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະ ສະຫາຍ ມີເກນ ດີເອັດຊ໌-ກາແນນ ເບີຣມູເດັດຊ໌, ເລຂາທິການທີໜຶ່ງ ຄະນະບໍລິຫານງານສູນກາງພັກກອມມູນິດກູບາ, ປະທານປະເທດ ແຫ່ງ ສ ກູບາ, ໃນໂອກາດເດີນທາງມາຢ້ຽມຢາມລັດຖະກິດ ທີ່ ສປປ ລາວ ໃນວັນທີ 6-7 ກັນຍາ 2025. ສະຫາຍ ນາຍົກລັດຖະມົນຕີ ສອນໄຊ ສີພັນດອນ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ມີຄວາມປິຕິຍິນດີເປັນຢ່າງຍິ່ງ ທີ່ໄດ້ພົບປະເຮັດວຽກກັບ ສະຫາຍ ມີເກນ…

ໃນວັນທີ 7 ກັນຍາ 2025, ທີ່ ທໍານຽບປະທານປະເທດ, ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ, ຕ້ອນຮັບ ສະຫາຍ ມີເກນ ດີເອັດຊ໌-ກາແນນ ເບີຣມູເດັດຊ໌ (Miguel Diaz-Canel Bermudez), ເລຂາທິການທີໜຶ່ງ ຄະນະບໍລິຫານງານສູນກາງພັກກອມມູນິດກູບາ, ປະທານປະເທດແຫ່ງ ສາທາລະນະລັດ ກູບາ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມ ລັດຖະກິດ ສປປ ລາວ ໃນລະຫວ່າງວັນທີ 6-7 ກັນຍາ 2025 ຢ່າງອົບອຸ່ນ ແລະ ສົມກຽດ.…

ເນື່ອງໃນໂອກາດ ວັນໄຂສົກຮຽນໃໝ່ ສົກຮຽນ 2025 -2026 -ຜູ້ບໍລິຫານການສຶກສາ, ວິທະຍາສາດ ແລະ ກິລາ, ພະນັກງານ, ຄູ-ອາຈານ, ນັກຮຽນ-ນັກສຶກສາ, -ພີ່ນ້ອງປວງຊົນລາວ ທັງຊາດ ທີ່ນັບຖື ແລະ ຮັກແພງ. ມື້ນີ້ ເປັນວັນໜຶ່ງທີ່ສໍາຄັນ ຂອງຂະແໜງການສຶກສາ, ວິທະຍາສາດ ແລະ ກິລາ ຊຶ່ງນັກຮຽນ-ນັກສຶກສາ, ຄູອາຈານ ແລະ ພໍ່ແມ່ຜູ້ປົກຄອງ ໃນຂອບເຂດທົ່ວປະເທດ ກຳລັງກຽມຈິດໃຈ ເພື່ອເຂົ້າຮຽນ ໃນສົກຮຽນໃໝ່ 2025- 2026. ເນື່ອງໃນໂອກາດ ວັນໄຂສົກຮຽນໃໝ່ ປະຈໍາສົກຮຽນ 2025-2026, ຂ້າພະເຈົ້າ ຂໍຕາງໜ້າໃຫ້ແກ່ສູນກາງພັກ, ລັດຖະບານ…

ເນື່ອງໃນໂອກາດສະເຫຼີມສະຫຼອງວັນຊາດ ສສ ຫວຽດນາມ ຄົບຮອບ 80 ປີ (2 ກັນຍາ 1945-2 ກັນຍາ 2025) ສະຫາຍ ພົນຈັດຕະວາ ແສງມະນີວອນ ຄໍາມະນີ ກຳມະການຄະນະປະຈໍາພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ ໄດ້ໃຫ້ສໍາພາດຕໍ່ສື່ມວນຊົນກອງທັບ ວ່າ: ກະຊວງປ້ອງກັນປະເທດ ແລະ ພະນັກງານ-ນັກຮົບ ທົ່ວກອງທັບ ມີຄວາມຮູ້ສຶກເບີກບານມ່ວນຊື່ນເປັນຢ່າງຍິ່ງ ທີ່ໄດ້ພ້ອມກັນກັບກອງທັບ ແລະ ປະຊາຊົນຫວຽດນາມອ້າຍນ້ອງ ຮ່ວມໃຈສະເຫຼີມສະຫຼອງວັນນຊາດ ສສ ຫວຽດນາມ ຄົບຮອບ 80 ປິ, ເຊິ່ງນອນໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນຂອງສອງຊາດ ພວມຍາດໄດ້ຜົນງານ ແລະ…

ພິທີໂຮມຊຸມນຸມ ສະເຫຼີມສະຫຼອງ ວັນສະຖາປະນາ ສສ ຫວຽດນາມ ຄົບຮອບ 80 ປີ (2/9/1945 – 2/9/2025) ໄດ້ຈັດຂຶ້ນໃນວັນທີ 30 ສິງຫາ 2025, ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ໂດຍການເປັນກຽດເຂົ້າຮ່ວມຂອງສະຫາຍ ບຸນທອງ ຈິດມະນີ, ກຳມະການກົມການເມືອງສູນກາງພັກ, ຜູ້ປະຈຳການຄະນະ ເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ມີສະຫາຍ ຫງວຽນ ມິງ ເຕີ່ມ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ, ມີບັນດາການນໍາພັກ-ລັດຂັ້ນສູງ, ສະພາແຫ່ງຊາດ,…

ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງຊຽງຂວາງ ສຳເລັດລົງຢ່າງຈົບງາມ ພາຍຫຼັງທີ່ດຳເນີນມາເປັນເວລາ 2 ວັນ ໃນວັນທີ 28-29 ສິງຫາ 2025 ພາຍໃຕ້ການເປັນປະທານຂອງ ສະຫາຍ ບຸນຈັນ ສີວົງພັນ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຊຽງຂວາງ, ໃຫ້ກຽດເຂົ້າຮ່ວມໂດຍ ສະຫາຍ ສຈ ປອ ກິແກ້ວ ໄຂຄຳພິທູນ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີແຫ່ງ ສປປ ລາວ, ມີສະຫາຍ ນາງ ບຸດສະດີ ທະນະເມືອງ ກຳມະການສູນກາງພັກ ຮອງຫົວໜ້າຈັດຕັ້ງສູນກາງພັກ, ມີບັນດາສະຫາຍຮອງເລຂາພັກແຂວງ, ບັນດາສະຫາຍຄະນະປະຈຳພັກແຂວງ, ກຳມະການພັກແຂວງ, ອະດີດເລຂາພັກແຂວງ, ບັນດາສະຫາຍການນໍາ…

ກະຊວງປ້ອງກັນປະເທດ ໄດ້ຈັດພິທີສະເຫຼີມສະຫຼອງວັນຊາດ ສສ ຫວຽດນາມ ຄົບຮອບ 80 ປີ (2 ກັນຍາ 1945 – 2 ກັນຍາ 2025), ໃນວັນທີ 28 ສິງຫາ 2025 ໂດຍການເຂົ້າຮ່ວມຂອງ ສະຫາຍ ຫງວຽນມິງເຕິມ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽກນາມ ປະຈໍາ ສປປ ລາວ, ມີສະຫາຍ ພົນໂທ ສຈ ປອ ທອງລອຍ ສິລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ສະຫາຍ ພົນຕີ ວົງສອນ ອິນປານພິມ ກຳມະການຄະນະປະຈຳພັກກະຊວງ,…

ຜົນການສຶກສາພົບວ່າ: ການນອນບໍ່ພໍພຽງໜຶ່ງຄືນ ສາມາດເຮັດໃຫ້ຄວາມດັນເລືອດສູງຂຶ້ນ ແລະ ຍັງບັງຄັບໃຫ້ຫົວໃຈຂອງເຈົ້າເຮັດວຽກໜັກຂຶ້ນ? ແລະ ຖ້າສະສົມຕໍ່ເນື່ອງ ມັນສາມາດເພີ່ມຄວາມສ່ຽງຕໍ່ການເປັນພະຍາດຫົວໃຈໄດ້. ✅ ເຄັດລັບງ່າຍໆ : ພະຍາຍາມນອນ 7-8 ຊົ່ວໂມງຕໍ່ຄືນ ເພື່ອຮັກສາສະໝອງ, ຫົວໃຈ ແລະ ພູມຄຸ້ມກັນໃຫ້ແຂງແຮງ. 💪 “ສຸຂະພາບດີເລີ່ມຈາກການນອນໃຫ້ພຽງພໍ”

ກົດໄຫລຢ້ອນ ເປັນອາການຂອງລະບົບທາງເດີນອາຫານຊະນິດໜຶ່ງທີ່ຮ່າງກາຍມີອາການນຳ້ຍ່ອຍຈາກກະເພາະອາຫານໄຫລຍ້ອນກັບຂຶ້ນໄປໃນຫລອດອາຫານ ເຮັດໃຫ້ເກີດອາການແສບຮ້ອນບໍລິເວນໜ້າເອິກ ໂດຍອາຫານກໍເປັນໜຶ່ງໃນສາເຫດສຳຄັນຂອງພະຍາດກົດໄຫລຍ້ອນເຊັ່ນກັນ ມາເບິ່ງພ້ອມກັນວ່າອາຫານຊະນິດໃດແດ່ທີ່ຊ່ວຍຈັດການກົດໄຫລຍ້ອນໄດ້.

✅ຕ້ອງນອນຄົບຈັກຊົ່ວໂມງ ຈຶ່ງຈະພຽງພໍສໍາລັບການພັກຜ່ອນ ແລະ ສຸຂະພາບທີ່ດີ ແຕ່ລະຊ່ວງອາຍຸມີຊົ່ວໂມງການນອນທີ່ແຕກຕ່າງກັນ. ການນອນຫຼັບຂອງຄົນໃນແຕ່ລະຊ່ວງອາຍຸ ແມ່ນມີຄວາມແຕກຕ່າງກັນ ເພື່ອໃຫ້ທຸກທ່ານໄດ້ເຂົ້າໃຈ ແລະ ສາມາດເບິ່ງແຍງ ສຸຂະພາບຂອງຕົນເອງໃຫ້ຖືກຕ້ອງ ໃນບົດຄວາມນີ້ຈະມີຄໍາຕອບກ່ຽວກັບຈໍານວນຊົ່ວໂມງການນອນທີ່ເຫມາະສົມສໍາລັບແຕ່ລະຊ່ວງອາຍຸ ເພື່ອໃຫ້ທ່ານສາມາດວາງແຜນການນອນໄດ້ຢ່າງຖືກຕ້ອງ ແລະ ມີຄຸນນະພາບ. ສໍາລັບຊົ່ວໂມງການນອນຂອງແຕ່ລະຊ່ວງອາຍຸມີດັ່ງນີ້: ການນອນແມ່ນການພັກຜ່ອນທີ່ສຳຄັນຫຼາຍ ການນອນໃຫ້ພຽງພໍ ແລະ ມີຄຸນນະພາບຕາມຊ່ວງອາຍຸ ຈະຊ່ວຍເສີມໃຫ້ຮ່າງກາຍຟື້ນຟູ ແລະ ສາມາດເຮັດວຽກໄດ້ເຕັມປະສິດທິພາບ ພ້ອມສ້າງພະລັງງານໃຫ້ເຮົາສຳລັບການໃຊ້ຊີວິດມື້ຕໍ່ໄປ. ແຫຼ່ງຂໍ້ມູນ: National Sleep Foundation

🤩🍰ລອງເບິ່ງນຳກັນບໍ່? ຈະເປັນແນວໃດຖ້າຫາກງົດນໍ້າຕານ 14 ມື້ ມີຜົນກະທົບ ແລະ ຂໍ້ດີ-ຂໍ້ເສຍ ຫຍັງແດ່! ການຢຸດກິນນໍ້າຕານ ເປັນອີກໜຶ່ງວິທີໃນເບິ່ງແຍງສຸຂະພາບທີ່ໄດ້ຮັບຄວາມນິຍົມ. ຫຼາຍທ່ານອາດຈະມີຂໍ້ສົງໄສວ່າ ຖ້າເຮົາຢຸດບໍລິໂພກນໍ້າຕານ 14 ມື້ ຈະເກີດການປ່ຽນແປງຫຍັງແນ່ໃນຮ່າງກາຍ ໂດຍການຢຸດກິນນໍ້າຕານ ຈະສົ່ງຜົນຕໍ່ລະບົບພາຍໃນ ແລະ ພາຍນອກແນວໃດ ມາຮູ້ຈັກກັນເລີຍ ສິ່ງທີ່ຈະເກີດຂຶ້ນກັບຮ່າງກາຍຂອງເຮົາໃນແຕ່ລະຊ່ວງນັບຕັ້ງແຕ່ມື້ທີ 1-14 ຄື: ຜົນຂອງການຢຸດກິນທາດນໍ້າຕານ ມີຂໍ້ດີຄື: ຊ່ວຍຫຼຸດການອັກເສບຂອງບາດແຜ, ຜິວພັນດີຂຶ້ນ, ນໍ້າໜັກຫຼຸດລົງ ແລະ ຫຼຸດອາການບວມນໍ້າ, ລະດັບອາລົມຄົງທີ່ ເພາະສະໝອງສາມາດເຮັດວຽກໄດ້ດີຂຶ້ນ ( ຫຼັງຈາກມື້ທີ 4-14 ). ແຕ່ຂໍ້ເສຍ ແລະ ຂໍ້ຄວນລະວັງກໍມີຄື: ຈະມີອາລົມຮ້າຍ,…

“ໂຊດຽມ” ໄພອັນຕະລາຍງຽບທີ່ທໍາລາຍສຸຂະພາບໂດຍທີ່ບໍ່ຮູ້ຕົວ ໂຊດຽມ ແມ່ນແຮ່ທາດທີ່ຈໍາເປັນສໍາລັບຮ່າງກາຍ ພົບທົ່ວໄປໃນເກືອ (ໂຊດຽມ chloride) ແລະ ວັດຖຸເຈືອປົນ ຫຼື ເຄື່ອງປຸງແຕ່ງອາຫານເຊັ່ນ: ແປ້ງນົວ, ຄະນໍ, ນ້ຳປາ, ຊິອິ້ວ ແລະ ຜົງຟູ…ການໄດ້ຮັບໂຊດຽມສະສົມເຂົ້າໄປໃນຮ່າງກາຍໃນປະລິມານຫຼາຍບໍ່ແມ່ນເລື່ອງດີ ເພາະວ່າມັນມີຜົນກະທົບຕໍ່ສຸຂະພາບໃນໄລຍະຍາວ, ເຊິ່ງອາການເມື່ອເຮົາຮັບໂຊດຽມເຂົ້າໄປໃນຮ່າງກາຍຫຼາຍເກີນຄວາມຕ້ອງການຂອງຮ່າງກາຍແລ້ວ ມັນສະແດງອາການອອກດັ່ງນີ້:

ວັນທີ 21 ສິງຫາ 2025, ກະຊວງປ້ອງກັນປະເທດ ໄດ້ຈັດຕັ້ງປາຖະກະຖາວັນຍຶດອໍານາດ 23 ສິງຫາ ຄົບຮອບ 50 ປີ (23 ສິງຫາ 1975-23 ສິງຫາ 2025) ໂດຍການເປັນປະທານຂອງ ສະຫາຍ ພົນໂທ ສຈ.ປອ ທອງລອຍ ສີລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ມີບັນດາສະຫາຍຄະນະນໍາກະຊວງປ້ອງກັນປະເທດ, ຄະນະນໍາບັນດາກົມໃຫຍ່, ຫ້ອງວ່າການກະຊວງປ້ອງກັນປະເທດ, ພ້ອມດ້ວຍສະຫາຍຕາງໜ້າຄະນະພັກ-ຄະນະບັນຊາ ບັນດາອົງການ, ກອງບັນຊາການ, ວິທະຍາຄານ, ກົມກອງ, ໂຮງຮຽນ, ໂຮງໝໍ ຕະຫຼອດຮອດນາຍ ແລະ ພົນທະຫານ ອ້ອມຂ້າງກະຊວງປ້ອງກັນປະເທດເຂົ້າຮ່ວມ. ໂອກາດທີ່ມີຄວາມໝາຍຄວາມສໍາຄັນນີ້, ສະຫາຍ…

ໃນປະຫວັດສາດຍຸກໃໝ່ແຫ່ງການຕໍ່ສູ້ຂອງປະຊາຊົນລາວພາຍໃຕ້ການນຳພາຂອງພັກປະຊາຊົນປະຕິວັດລາວ ໄດ້ມີການຍຶດອຳນາດຈາກສັດຕູ ແລະ ລູກແຫຼ່ງຕີນມືຂອງພວກຈັກກະພັດລ່າເມືອງຂຶ້ນເຖິງ 2 ຄັ້ງ ຄື: ຄັ້ງທີໜຶ່ງວັນທີ 23 ສິງຫາ 1945 ແລະ ຄັ້ງທີສອງວັນທີ 23 ສິງຫາ 1975. ສະຫາຍ ພົນໂທ ສາດສະດາຈານ ປະລິນຍາເອກ ທອງລອຍ ສິລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນ ປະເທດ, ໄດ້ກ່າວວ່າ: ວັນທີ 23 ສິງຫາ ປີ 1945 ແລະ ປີ 1975 ແມ່ນເຫດການສໍາຄັນທາງປະຫວັດສາດຂອງຊາດລາວເຮົາ ທີ່ໄດ້ສະແດງໃຫ້ເຫັນມານະຈິດ ແລະ ມູນເຊື້ອແຫ່ງການຕໍ່ສູ້ພິລະອາດຫານຂອງຄົນລາວທຸກເຜົ່າ, ທຸກຊັ້ນຄົນທີ່ຮັກຊາດ ຮັກບ້ານເກີດເມືອງນອນ…

ພິທີຮັບຮອງເອົາຮ່ອງຮອຍປະຫວັດສາດ ເສັ້ນທາງສາຍພູຫຼວງ – ເສັ້ນທາງ ໂຮ່ຈີມິນ ເບື້ອງດິນລາວ ເປັນມໍລະດົກແຫ່ງຊາດ ລະດັບຊາດ ແຫ່ງ ສປປ ລາວ, ຈັດຂຶ້ນໃນວັນທີ 22 ສິງຫາ 2025 ທີ່ ສະໂມສອນກົມໃຫຍ່ການເມືອງກອງທັບ, ໂດຍການເຂົ້າຮ່ວມຂອງສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະຊາຊົນປະຕິວັດລາວ, ຮອງປະທານປະເທດ ແຫ່ງ ສປປ ລາວ, ມີສະຫາຍ ນາງ ຫວໍ ທິ ແອັງ ຊວນ ກຳມະການສູນກາງພັກຄອມມຸນິດ ຫວຽດນາມ, ຮອງປະທານປະເທດ ແຫ່ງສາທາລະນະລັດສັງຄົມນິຍົມ ຫວຽດນາມ, ມີສະຫາຍ ພົນໂທ…