71 ປີ ແຫ່ງການຊີ້ນໍາ-ນໍາພາອັນສະຫຼາດສ່ອງໃສ່ຂອງພັກຂອງພັກປະຊາຊົນປະຕິວັດລາວ, ໄດ້ນຳພາປະເທດຊາດກ້າວເດີນສູ່ຈຸດໝາຍສັງຄົມນິຍົມຢ່າງໜັກແໜ້ນ

ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 71ປີ, ( 22 ມີນາ 1955-22 ມີນາ 2026 ), ສະຫາຍ ພົນໂທ ແສງນວນ ໄຊຍະລາດ ເລຂາຄະນະບໍລິຫານງານ ປະທານສະຫະພັນນັກຮົບເກົ່າແຫ່ງຊາດລາວ ໄດ້ສະແດງຄວາມຮູ້ສຶກ ແລະ ເລົ່າຄືນວີລະກຳອັນໃຫຍ່ຫຼວງ ທີ່ພັກໄດ້ນຳພາ-ຊີ້ນຳ ການຕໍ່ສູ້ປະຕິວັດຜ່ານມາ, ໂດຍຜ່ານການທົດສອບຢ່າງລະອິດລະອ້ຽວຂ້ຽວຂາດ ແລະ ເຕັມໄປດ້ວຍຄວາມທ້າທາຍ ເຊິ່ງສະຫາຍ ໄດ້ຍົກເອົາບາງສະຖານະການ, ບາງເຫດການທີ່ພົ້ນເດັ່ນ ໃນຈໍານວນຫຼາຍຮ້ອຍ, ຫຼາຍພັນເຫດການ ຂອງການນຳພາຂອງພັກ ມາເປັນຕົວຢ່າງ ທີ່ສະແດງໃຫ້ເຫັນເຖິງຄວາມປີຊາສາມາດ ແລະ ຄວາມສະຫຼາດສ່ອງໃສ ທີ່ບໍ່ມີໃຜສາມາດປະຕິເສດ ຂອງການນຳພາ-ຊີ້ນຳ ແລະ ການບັນຊາຈັດການຂອງພັກ ຕໍ່ເສັ້ນທາງທີ່ລະອິດລະອ້ຽວ ຂອງການປະຕິວັດໃນປະເທດເຮົາ ສັງລວມໄດ້ວ່າ 71 ປີ ແຫ່ງການຊີ້ນໍາ-ນໍາພາອັນສະຫຼາດສ່ອງໃສ່ຂອງພັກຂອງພັກປະຊາຊົນປະຕິວັດລາວ, ໄດ້ນຳພາປະເທດຊາດກ້າວເດີນສູ່ຈຸດໝາຍສັງຄົມນິຍົມຢ່າງໜັກແໜ້ນ.

ສະຫາຍ ຍັງໃຫ້ຮູ້ຕື່ມອີກວ່າ: ໃນໂອກາດວັນບຸນປະຫວັດສາດສໍາຄັນຂອງຊາດ, ຂອງພັກ, ຂອງກໍາລັງ ປະກອບອາວຸດ, ຂອງອົງການຈັດຕັ້ງ, ຂອງປະເທດເພື່ອນມິດ ຄະນະພັກສະຫະພັນນັກຮົບເກົ່າແຕ່ລະຂັ້ນ, ນັກຮົບເກົ່າ, ພະນັກງານປະຕິວັດອາວຸໂສ ໄດ້ເປັນເຈົ້າການປະກອບສ່ວນດ້ານການເຄື່ອນໄຫວປາຖະກະຖາເລົ່າຄືນມູນເຊື້ອວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 71 ປີ, ເພື່ອເຮັດໃຫ້ພະນັກງານ, ສະມາຊິກພັກ, ນັກຮຽນຮູ້, ນັກສຶກສາ, ພະນັກງານ-ນັກຮົບ ໃນກຳລັງປະກອບອາວຸດ , ຕະຫຼອດໄລຍະຜ່ານມາການປັບປຸງກໍ່ສ້າງພັກ ຕາມ 5 ຫຼັກການ 3 ທິດນໍາຂອງພັກ ຂອງອົງຄະ ນະພັກສະຫະພັນນັກຮົບເກົ່າແຫ່ງຊາດລາວ ໄດ້ຮັບການຈັດຕັ້ງ, ເຄື່ອນໄຫວນໍາພາ-ຊີ້ນໍາຕາມແນວທາງແຜນນະໂຍບາຍ ແລະ ຫຼັກການຂອງພັກ; ໄດ້ເຊີດຊູບົດ ບາດຂອງຕົນ ແລະ ປະສານສົມທົບຢ່າງກົມກຽວກັບຄະນະພັກ-ຄະນະປົກຄອງແຕ່ລະຂັ້ນ ແລະ ກະຊວງ-ອົງການກ່ຽວຂ້ອງສຸມໃສ່ນໍາພາ-ຊີ້ນໍາຂົງເຂດວຽກງານນັກຮົບເກົ່າ ແລະ ປັບປຸງ, ກໍ່ສ້າງຕົນເອງມີ ຜົນສໍາເລັດທີ່ພົ້ນເດັ່ນໃນຫຼາຍດ້ານ ເປັນການປະກອບສ່ວນທີ່ສໍາຄັນ ເພື່ອຢັ້ງຢືນເຖິງຄວາມຖືກຕ້ອງ, ສອດຄ່ອງ ຂອງມະຕິກອງປະຊຸມໃຫຍ່ຄັ້ງທີ XI, ທີ XII ຂອງພັກ; ເປັນບົດຮຽນທີ່ດີໃຫ້ແກ່ພວກເຮົາໃນການສືບຕໍ່ປະຕິບັດແນວທາງນະ ໂຍບາຍຂອງພັກ ແລະ ທິດທາງໜ້າທີ່ວຽກງານໃນຕໍ່ໜ້າ ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ.

ໃນຖານະທີ່ເປັນສ່ວນປະກອບອັນສໍາຄັນໃນລະບົບການເມືອງ, ເປັນອົງການການເມືອງຂອງພັກ ອົງຄະ ນະພັກສະຫະພັນນັກຮົບເກົ່າແຫ່ງຊາດລາວຈະໄດ້ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງພັກໃຫ້ເກີດດອກອອກຜົນ, ເປັນຕົ້ນຈະໄດ້ສືບຕໍ່ປັບປຸງການຈັດຕັ້ງພັກ ຂອງອົງຄະນະພັກສະຫະພັນນັກຮົບເກົ່າແຫ່ງ ຊາດລາວ ໃຫ້ມີຄວາມໜັກແໜ້ນ; ສູ້ຊົນສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຂະຫຍາຍສະມາຊິກພັກ ໃຫ້ຖືກຕ້ອງ, ສອດຄ່ອງຕາມກົດລະບຽບຂອງພັກຢ່າງເຂັ້ມງວດ; ປະຕິບັດລະບອບຮ່ວມຊີວິດພັກ, ເສຍເງິນສະຕິພັກ, ລະ ບອບດໍາເນີນຊີວິດການເມືອງ ຕີລາຄາແບ່ງປະເພດສະມາຊິກພັກ, ປະເມີນຜົນການປະຕິບັດໜ້າທີ່ຂອງພະນັກງານ, ລັດຖະກອນໃຫ້ດີ ແລະ ພາວະວິໄສກວ່າເກົ່າ; ສືບຕໍ່ປະຕິບັດຫຼັກການນໍາພາຂອງພັກຢ່າງເຂັ້ມງວດ, ນໍາພາ-ຊີ້ນໍາ ວຽກງານຕາມຫຼັກການລວມສູນປະຊາທິ ປະໄຕ, ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບຢ່າງຈະແຈ້ງ ໂດຍມີການສະຫຼຸບຖອດຖອນບົດຮຽນ, ປະເມີນຜົນ ເປັນປະຈໍາ; ເພີ່ມທະວີສ້າງຄວາມສາມັກຄີເປັນເອກະພາບຢູ່ພາຍໃນໝູ່ຄະນະ, ພະນັກງານ-ສະມາຊິກພັກ, ຈິງໃຈຕຳນິຊົມ ຕົນເອງ, ຕຳນິກໍ່ສ້າງຊ່ວຍເຫຼືອເຊິ່ງກັນ ແລະ ກັນໄປຄຽງຄູ່ກັບການປັບປຸງແບບແຜນການນໍາພາ ແລະ ວິທີເຮັດວຽກພາຍໃນພັກໃຫ້ກົມກຽວ ແລະ ມີປະສິດທິຜົນ ແນໃສ່ບຸກທະລຸທາງດ້ານແບບແຜນວິທີເຮັດວຽກ, ການປະຕິບັດລະບອບ ລະບຽບການທີ່ພັກເຮົາວາງອອກໃຫ້ເຂັ້ມງວດ.ສືບຕໍ່ຖືສໍາຄັນ, ຍົກສູງຄຸນນະພາບ ແລະ ຜົນສັກສິດ ຂອງວຽກງານກວດກາ, ເອົາໃຈໃສ່ກວດກາການຈັດຕັ້ງ, ກວດກາສະມາຊິກພັກໃນການປະຕິບັດໜ້າທີ່ການເມືອງ, ການຈັດຕັ້ງປະຕິບັດແນວທາງນະໂຍບາຍ ແລະ ກົດລະບຽບ ຂອງພັກ, ການປະຕິບັດສິດໜ້າທີ່ ແລະ ຂໍ້ຫ້າມຕ່າງໆ; ພ້ອມດຽວກັນນັ້ນ ຕ້ອງເອົາໃຈໃສ່ກວດກາການນໍາພາວຽກງານ ຂອງສະຫະພັນນັກຮົບເກົ່າແຫ່ງຊາດລາວ ໃຫ້ເຂັ້ມງວດ ແນໃສ່ຕ້ານປາກົດການຫຍໍ້ທໍ້; ເພີ່ມທະວີຄວາມສາມັກຄີເປັນເອ ກະພາບຢູ່ພາຍໃນ, ປ້ອງກັນພັກ, ປ້ອງກັນການຈັດຕັ້ງ, ປ້ອງກັນພະນັກງານໃຫ້ມີຄວາມປອດໃສ ແນໃສ່ເຮັດໃຫ້ສະຫະພັນນັກຮົບເກົ່າແຕ່ລະຂັ້ນມີຄວາມເຂັ້ມແຂງ.

ຄຽງຄູ່ກັນນັ້ນ ຕ້ອງສືບຕໍ່ເອົາໃຈໃສ່ກໍ່ສ້າງພະນັກງານໃຫ້ສົມຄູ່ກັບຄວາມຮຽກຮ້ອງຕ້ອງການຂອງໜ້າທີ່ວຽກ ງານ; ຂຶ້ນແຜນກໍ່ສ້າງພະນັກງານທີ່ຍັງປະຈຳການໃຫ້ໄດ້ໄປຮໍ່າຮຽນບຳລຸງຍົກລະດັບໄລຍະສັ້ນ, ກໍ່ສ້າງໄລຍະຍາວ, ຍົກລະ ດັບທາງດ້ານທິດສະດີການເມືອງການປົກຄອງ ແລະ ດ້ານວິຊາການອຶ່ນໆແຕ່ລະເປົ້າໝາຍໃຫ້ດີກວ່າເກົ່າ.

ຂຽນໂດຍ: ພິດສະໄໝ ແກ້ວມະຫາວົງ