ໝາກມອນ ຫຼື ມັລເບີຣີ ຈາກພືດລ້ຽງມອນ ສູ່ສຸດຍອດໝາກໄມ້ບຳລຸງສຸຂະພາບ

​ເມື່ອເວົ້າເຖິງ “ໝາກມອນ” (Mulberry), ຫຼາຍຄົນຄົງຈະຄິດເຖິງພາບການປູກໝາກມອນເພື່ອລ້ຽງຕົວມອນໃນການຜະລິດເສັ້ນໄໝ 🧵. ແຕ່ໃນປັດຈຸບັນ, ໝາກໄມ້ຊະນິດນີ້ໄດ້ກາຍເປັນທີ່ສົນໃຈຂອງວົງການແພດ ແລະ ກຸ່ມຄົນຮັກສຸຂະພາບທົ່ວໂລກ 🌍 ຍ້ອນມັນອຸດົມໄປດ້ວຍວິຕາມິນ ແລະ ແຮ່ທາດທີ່ຊ່ວຍປ້ອງກັນໂລກຮ້າຍໄດ້ຢ່າງມີປະສິດທິພາບ.

​1. ໝາກມອນອຸດົມດ້ວຍສານ ແອນໂທໄຊຢານິນ (Anthocyanin) 💜 ເຊິ່ງເປັນສານສີມ່ວງແດງທີ່ມີລິດໃນການຕ້ານອະນຸມູນອິດສະຫຼະຢ່າງແຂງແຮງ. ສານນີ້ຊ່ວຍປ້ອງກັນໂລກຫົວໃຈ ❤️ ແລະ ຫຼຸດຄວາມສ່ຽງໃນການເກີດໂລກມະເຮັງ. ນອກຈາກນີ້ ຍັງມີສານ ເຄີຊິດຕິນ (Quercetin) 🧪 ທີ່ຊ່ວຍຫຼຸດການອັກເສບຂອງຫຼອດເລືອດ ເຊິ່ງເປັນສາເຫດຫຼັກຂອງໂລກຫົວໃຈ ແລະ ຫຼອດເລືອດ ລວມທັງໂລກທາງລະບົບປະສາດ ແລະ ສະໝອງ 🧠.

​2. 👶 ວິຕາມິນທີ່ຈຳເປັນສຳລັບແມ່ ແລະ ເດັກ ໜຶ່ງໃນສານອາຫານທີ່ໂດດເດັ່ນຂອງໝາກມອນແມ່ນ ກົດໂຟລິກ (Folic Acid) 🤰. ມີຜົນການວິໄຈພົບວ່າ ແມ່ຍິງທີ່ຂາດກົດໂຟລິກໃນຊ່ວງຕັ້ງຄັນ ມີຄວາມສ່ຽງສູງທີ່ຈະເຮັດໃຫ້ທາລົກມີຄວາມພິການທາງສະໝອງ ແລະ ລະບົບປະສາດໄຂສັນຫຼັງ. ດັ່ງນັ້ນ, ໝາກມອນຈຶ່ງເປັນຕົວຊ່ວຍທີ່ດີໃນການເສີມສ້າງການຈະເລີນເຕີບໂຕຂອງທາລົກໃນຄັນ.

​3. 🛡️ ບຳລຸງຮ່າງກາຍຄົບວົງຈອນດ້ວຍວິຕາມິນຫຼາກຫຼາຍ

• ​ວິຕາມິນ A: ຊ່ວຍບຳລຸງສາຍຕາ, ປ້ອງກັນຕໍ້ກະຈົກ, ບຳລຸງເຫງືອກ ແລະ ແຂ້ວ, ພ້ອມທັງຫຼຸດການອັກເສບຂອງສິວ.
• ​ວິຕາມິນ C ສູງ: ເເສີມສ້າງພູມຄຸ້ມກັນ, ປ້ອງກັນໄຂ້ຫວັດ, ພູມແພ້ ແລະ ຕ້ານເຊື້ອໄວຣັສ.
• ​ວິຕາມິນ B6: ຊ່ວຍບຳລຸງເລືອດ, ຕັບ ແລະ ໄຕ, ພ້ອມທັງບັນເທົາອາການປວດປະຈຳເດືອນ

​4. 💊 ສັບພະຄຸນທາງຢາ ແລະ ການປ້ອງກັນພະຍາດ ໃນຕຳລາຢາບູຮານ, ການນຳໝາກມອນມາຕົ້ມດື່ມທັງນ້ຳ ແລະ ກິນທັງເນື້ອ ສາມາດຊ່ວຍແກ້ໂລກໄຂ້ຂໍ້ອັກເສບ, ແກ້ທ້ອງຜູກ, ບຳລຸງເລືອດຈາງ ແລະ ຊ່ວຍຂັບສະເໝີຫະ. ທີ່ສຳຄັນ ມັນຍັງຊ່ວຍຢັບຢັ້ງການເກີດລີ່ມເລືອດ ແລະ ປ້ອງກັນເສັ້ນເລືອດແຕກ ເຊິ່ງເປັນສາເຫດຂອງໂລກ ອຳມະພຶກ ແລະ ອຳມະພາດ.

​5. ໝາກມອນເປັນໝາກໄມ້ທີ່ໃຫ້ພະລັງງານຕ່ຳ ພຽງແຕ່ 43 kcal ຕໍ່ 100 ກຣາມ 🥗
🔴 ໝາກສີແດງ: ຈະມີລົດຊາດສົ້ມ, ເໝາະສຳລັບນຳໄປແປຮູບເປັນເຄື່ອງດື່ມ ຫຼື ແຢມ
​⚫ ໝາກສີມ່ວງເຂັ້ມ/ດຳ: ຈະມີລົດຊາດຫວານຊຸ່ມຄໍ, ສາມາດກິນສົດໄດ້ທັນທີ
💆‍♂️ ການບຳລຸງ: ຊ່ວຍຜ່ອນຄາຍຄວາມຄຽດ, ແກ້ອາການເມົາຄ້າງ ແລະ ບຳລຸງເສັ້ນຜົມໃຫ້ດຳເງົາງາມ ປ້ອງກັນຜົມງອກກ່ອນໄວ.

​ດ້ວຍຄຸນປະໂຫຍດທີ່ຫຼາກຫຼາຍ ແລະ ຫາໄດ້ງ່າຍໃນທ້ອງຖິ່ນ, ໝາກມອນ ຫຼື ມັລເບີຣີ ຈຶ່ງເປັນອີກໜຶ່ງທາງເລືອກທີ່ດີເລີດສຳລັບຜູ້ທີ່ຢາກເບິ່ງແຍງສຸຂະພາບໃນໄລຍະຍາວ

​📖 ອ້າງອີງຂໍ້ມູນຈາກ: dailynews