ເຕັກນິກຂັບລົດຢ່າງປອດໄພໃນມື້ຝົນຕົກໜັກ ແລະ ນ້ຳຖ້ວມຂັງ 🌧️🚗
ເຕັກນິກຂັບລົດຢ່າງປອດໄພໃນມື້ຝົນຕົກໜັກ ແລະ ນ້ຳຖ້ວມຂັງ 🌧️
Life l ຝົນຕົກແຮງ + ນ້ຳຖ້ວມຂັງ = ຄວາມສ່ຽງທີ່ບໍ່ຄວນເບິ່ງຂ້າມ! ເພື່ອຄວາມປອດໄພຂອງໂຕທ່ານ ແລະ ເພື່ອນຮ່ວມທາງ ມາເບິ່ງ 5 ເຕັກນິກສຳຄັນທີ່ຕ້ອງຮູ້ກ່ອນອອກເດີນທາງ:
1️⃣ ລຸດຄວາມໄວ & ເວັ້ນໄລຍະຫ່າງ 2 ເທົ່າ 🛑 ຫົນທາງມື່ນເຮັດໃຫ້ໄລຍະເບຣກເພີ່ມຂຶ້ນ. ເວັ້ນໄລຍະຫ່າງຈາກຄັນໜ້າໃຫ້ຫຼາຍກວ່າປົກກະຕິ ເພື່ອປ້ອງກັນການຕຳທ້າຍລົດຄົນອື່ນ.
2️⃣ ເປີດໄຟໜ້າລົດ ຫຼີກລ່ຽງການເປີດໄຟສຸກເສີນ 💡 ເປີດໄຟຕ່ຳເພື່ອໃຫ້ຄົນອື່ນເຫັນລົດເຮົາ. ຫ້າມເປີດໄຟສຸກເສີນ ຂະນະຂັບຂີ່ ເພາະຈະເຮັດໃຫ້ລົດຄັນອື່ນເຂົ້າໃຈຜິດວ່າລົດເຮົາເພ.
3️⃣ ປະເມີນລະດັບນ້ຳກ່ອນລຸຍ 🌊 ຖ້ານ້ຳຖ້ວມສູງເກີນເຄິ່ງລໍ້ລົດ ຫຼື ສູງທຽບເທົ່າທໍ່ໄອເສຍ ບໍ່ຄວນລຸຍເດັດຂາດ! ເພາະນ້ຳອາດເຂົ້າເຄື່ອງຈັກ ເຮັດໃຫ້ລົດດັບໄດ້.
4️⃣ ຂັບເກຍຕ່ຳ ແລະ ປິດແອ ❄️➡️🚫 ຂັບດ້ວຍເກຍ 1 ຫຼື 2 (ຫຼື ເກຍ L ສຳລັບເກຍອໍໂຕ້) ຮອບເຄື່ອງໃຫ້ສະໝ່ຳສະເໝີ ແລະ ປິດແອ ເພື່ອປ້ອງກັນບໍ່ໃຫ້ພັດລົມແອຕີນ້ຳເຂົ້າເຄື່ອງ.
5️⃣ ຫ້າມຢຽບເບຣກກະທັນຫັນ 🚫ນ້ຳຂັງ ຖ້າລົດເລີ່ມເຫີນນ້ຳ (ລົດແກວ່ງ) ໃຫ້ຕັ້ງສະຕິ ຈັບພວງມາໄລໃຫ້ແໜ້ນ ແລ້ວຄ່ອຍໆ ຜ່ອນຄັນເລັ່ງ ຫ້າມຢຽບເບຣກຈົມເດັດຂາດ!
💡 ເຊັກຄວາມພ້ອມລົດຂອງທ່ານແລ້ວຫຼືຍັງ? ມື້ນີ້ຢູ່ເຂດຂອງທ່ານຝົນຕົກແຮງບໍ? ແບ່ງປັນສະພາບອາກາດ ແລະ ເສັ້ນທາງທີ່ຕ້ອງລະວັງໃນຄອມເມັ້ນໄດ້ເລີຍ👇👇