ເຕືອນແລ້ວ ເຕືອນອີກ ເລື່ອງການກິນເຫັດ
Life | ໄລຍະນີ້ອາກາດຮ້ອນເອົ້າ ແລະ ມີຝົນຕົກ ເຮັດໃຫ້ເຫັດຊະນິດຕ່າງໆ ເກີດຂຶ້ນມາຢ່າງຫຼວງຫຼາຍ ເຊິ່ງໃນນັ້ນມີທັງເຫັດທີ່ກິນໄດ້ ແລະ ກິນບໍ່ໄດ້ ປະປົນກັນ ແຕ່ສິ່ງທີ່ຄວນລະວັງທີ່ສຸດແມ່ນ ເຫັດເບື່ອ ຫຼື ເຫັດເປັນພິດ ທີ່ບໍ່ອາດສັງເກ
ນີ້ແມ່ນບາງຊະນິດຂອງເຫັດເບື່ອ ຖ້າຫາກໄດ້ຮັບພິດຈາກເຫັດເຫຼົ່ານີ້ ອາການສະແດງອອກພາຍຫຼັງກິນເຫັດເບື່ອຄື:
- ກໍລະນີ ເຫັດເບື່ອຮ້າຍແຮງບາງຊະນິດ ຫຼັງຈາກກິນແລ້ວ ປະມານ 6-24 ຊົ່ວໂມງ ຈະມີອາການຖອກທ້ອງ, ທ້ອງບິດ, ເຈັບທ້ອງຮຸນແຮງ, ປຸ້ນທ້ອງປວດຮາກ. ຫຼັງຈາກ 24 ຊົ່ວໂມງ ຈະມີອາການຕັບ ແລະ ໄຂ່ຫຼັງບໍ່ທໍາງານ ແລະ ເຖິງຂັ້ນເສຍຊີວິດ ພາຍໃນ 2-6 ວັນ.
- ເຫັດເບື່ອບາງຊະນິດ ຫຼັງຈາກກິນແລ້ວ ຈະມີເຫື່ອອອກ, ນໍ້າຕາ ແລະ ນໍ້າລາຍໄຫຼ, ວິນຫົວ, ປຸ້ນທ້ອງປວດຮາກ, ຖອກທ້ອງ. ກໍລະນີເຖິງຂັ້ນຮ້າຍແຮງ ຊີບພະຈອນເຕັ້ນຊ້າ, ຄວາມດັນ ເລືອດຕໍ່າອາດເຖິງຂັ້ນເສຍຊີວິດໄດ້.
- ເຫັດເບື່ອຈໍານວນໜຶ່ງ ຈະມີອາການເມົາ, ລະເມີ, ຊືມເສົ້າ, ປ່ວງບ້າ, ນອນຫຼັບເປັນເວລາດົນ, ອາດມີອາການປຸ້ນທ້ອງ, ອິດເມື່ອຍແຮງ ແລະ ເປັນອໍາມະພາດຊົ່ວຄາວຮ່ວມນໍາ.
- ເຫັດເບື່ອບາງຊະນິດຫຼັງຈາກກິນແລ້ວ ຈະມີອາການປວດທ້ອງ, ປຸ້ນທ້ອງປວດຮາກ, ຖອກທ້ອງ, ປັ້ນທ້ອງ, ມັກມີອາການຫຼັງຈາກກິນແລ້ວປະມານ 30-90 ນາທີ ອາດຈະມີອາການດີຂຶ້ນພາຍໃນ 3-4 ຊົ່ວໂມງ ແລະ ຈະຟື້ນຟູຊີບໃຫ້ເປັນປົກກະຕິພາຍໃນ 3-4 ວັນ.
ສິ່ງທີ່ຄວນເຮັດ:
- ຄວນຫຼີກລ້ຽງການກິນເຫັດດອກຈູມທີ່ເຮົາບໍ່ຮູ້ຈັກ.
- ຖ້າເບື່ອເຫັດຄວນປະຖົມພະຍາບານເບື້ອງຕົ້ນດ້ວຍການເຮັດໃຫ້ປຸ້ນທ້ອງປວດຮາກ ແລະ ຮາກອອກມາ
- ແລ້ວນຳສົ່ງໂຮງໝໍພ້ອມທັງນຳເອົາຕົວຢ່າງເຫັດທີ່ກິນໄປນຳ.
ຂໍ້ມູນຈາກ: ສູນຂ່າວສານການແພດສຸຂະສຶກສາ