🤩🍰ລອງເບິ່ງນຳກັນບໍ່? ຈະເປັນແນວໃດຖ້າຫາກງົດນໍ້າຕານ 14 ມື້ ມີຜົນກະທົບ ແລະ ຂໍ້ດີ-ຂໍ້ເສຍ ຫຍັງແດ່!

ການຢຸດກິນນໍ້າຕານ ເປັນອີກໜຶ່ງວິທີໃນເບິ່ງແຍງສຸຂະພາບທີ່ໄດ້ຮັບຄວາມນິຍົມ. ຫຼາຍທ່ານອາດຈະມີຂໍ້ສົງໄສວ່າ ຖ້າເຮົາຢຸດບໍລິໂພກນໍ້າຕານ 14 ມື້ ຈະເກີດການປ່ຽນແປງຫຍັງແນ່ໃນຮ່າງກາຍ ໂດຍການຢຸດກິນນໍ້າຕານ ຈະສົ່ງຜົນຕໍ່ລະບົບພາຍໃນ ແລະ ພາຍນອກແນວໃດ ມາຮູ້ຈັກກັນເລີຍ

ສິ່ງທີ່ຈະເກີດຂຶ້ນກັບຮ່າງກາຍຂອງເຮົາໃນແຕ່ລະຊ່ວງນັບຕັ້ງແຕ່ມື້ທີ 1-14 ຄື:

ໃນຊ່ວງມື້ທີ 1-3: ຮ່າງກາຍຈະມີການປັບໂຕ ແຕ່ອາດຈະມີຜົນກະທົບທີ່ຕາມມາເຊັ່ນ: ອາກາດເຈັບຫົວ, ອ່ອນເພຍ, ອາລົມຮ້າຍ…
ໃນຊ່ວງມື້ທີ 4-7: ເລີ່ມຮູ້ສຶກ ສົດຊື່ນ, ຕື່ນຕົວ, ສະໝອງແຈ່ມໃສ ແລະ ມີສະມາທິກັບສິ່ງຕ່າງໆຫຼາຍຂຶ້ນ.
ໃນຊ່ວງມື້ທີ 8-10: ລະບົບຍ່ອຍອາຫານຈະດີຂຶ້ນ ອາການຈຸກທ້ອງ, ແໜ້ນທ້ອງ ຈະເລີ່ມເຊົາ ຮູ້ສຶກສະບາຍທ້ອງເພາະລະບົບຍ່ອຍອາຫານກັບມາເຮັດໜ້າທີ່ໄດ້ສົມດຸນຂຶ້ນ.
ໃນຊ່ວງມື້ທີ 11-14: ອາການຢາກຂອງຫວານໜ້ອຍລົງ ນອນຫຼັບສະບາຍ ແລະ ນອນຫຼັບງ່າຍຂຶ້ນ.

ຜົນຂອງການຢຸດກິນທາດນໍ້າຕານ ມີຂໍ້ດີຄື: ຊ່ວຍຫຼຸດການອັກເສບຂອງບາດແຜ, ຜິວພັນດີຂຶ້ນ, ນໍ້າໜັກຫຼຸດລົງ ແລະ ຫຼຸດອາການບວມນໍ້າ, ລະດັບອາລົມຄົງທີ່ ເພາະສະໝອງສາມາດເຮັດວຽກໄດ້ດີຂຶ້ນ ( ຫຼັງຈາກມື້ທີ 4-14 ).

ແຕ່ຂໍ້ເສຍ ແລະ ຂໍ້ຄວນລະວັງກໍມີຄື: ຈະມີອາລົມຮ້າຍ, ເຈັບຫົວ, ວິນຫົວ ເພາະໃນທາດນໍ້າຕານຈະມີສວນປະສົມຂອງສານໂດພາມີນ ທີ່ເຮັດໃຫ້ຮູ້ສຶກດີ ແລະ ສຳລັບຜູ້ທີ່ອອກແຮງງານ ຖ້າຫາກຢຸດການບໍລິໂພກທາດນໍ້າຕານກະທັນຫັນ ຈະມີອາການເມື່ອຍໄວ ດີທີ່ສຸດບໍ່ຄວນຢຸດບໍລິໂພກທາດນໍ້າຕານກະທັນຫັນ ແຕ່ເຮົາຄວນຫຼຸດຜ່ອນທາດນໍ້າຕານເທື່ອລະໜ້ອຍ ເພື່ອບໍ່ໃຫ້ເກີດຜົນກະທົບທີ່ຈະຕາມມາ.

ແຫຼ່ງຂໍ້ມູນ: hindustantimes