Skip to content
- ຜື່ນພູມແພ້ຜິວໜັງ
ເກີດຈາກຄວາມຊື້ນຂອງອາກາດ ແລະ ອຸນຫະພູມໃນອາກາດປ່ຽນແປງ, ມີຜື່ນແດງ, ແຫ້ງລອກ, ມີອາການຄັນບໍລິເວນໃບໜ້, ແຂນ, ຂາ ແລະ ຄໍ
.
- ຜິວໜັງອັກເສບຈາກແມງໄມ້
ແມງໄມ້ບາງຢ່າງອາດເຮັດໃຫ້ຜິວໜັງອັກເສບໄດ້ເຊັ່ນ: ຍຸງ ໝັດ ໄຮ ແລະ ແມງກົ້ນກະດົກ ຫາກເຮົາບັງເອີນໄປສຳພັດອາດຈະເຮັດໃຫ້ຜິວໜັງອັບເສບໄດ້ ຫາກມີອາການແພ້ຮຸນແຮງຕ້ອງໄປພົບແພດທັນທີ
.
- ຜື່ນຜິວໜັງອັກເສບຈາກການຕິດເຊື້ອແບັດທີເຣຍ
ມີລັກສະນະຜື່ນແດງແຫ້ງໆ, ມີອາການຄັນ ເກີດໃນບໍລິເວນອັບຊື້ນ, ມີອາການຜິວລອກ, ຕີນມີກິ່ນແຮງ ແລະ ເປັນຂຸມນ້ອຍໆບໍລິເວນຕີນ
.
- ພະຍາດຕຸ່ມເປື່ອຍ ແລະ ພະຍາດຕີນຫໍ
ມີອາການລະຄາຍເຄືອງຜິວໜັງຈາກການອັບຊື້ນ ເມື່ອສຳພັດກັບສິ່ງເປິະເປື້ອນໃນນ້ຳຂັງ ຈະເກີດຜື່ນຕາມຕີນ ແລະ ຊອກຕີນ ເຊິ່ງເກີດຈາກການລຸຍນ້ຳຂັງ ຫຼື ນ້ຳຖ້ວມ
.
- ຜື່ນຜິວໜັງອັກເສບຈາກເຊື້ອລາ
ຂີ້ກາກ: ເກີດຈາກຄວາມອັບຊື້ນຈະເຮັດໃຫ້ຕິດເຊື້ອລາໄດ້ງ່າຍ ເຊິ່ງມີລັກສະນະເປັນຕຸ່ມຜື່ນເປັນວົງມົນຫຼາຍວົງ ມີເກັດສີຂາວລະອຽດ ມີສີທີ່ແຕກຕ່າງກັນ ມີອາການຄັນ ແລະ ມັກເກີດໃນບໍລິເວນລຳຕົວ
ຂີ້ເກື້ອນ: ຜິວໜັງຈະເປັນວົງກະຈາຍຕົວ ສາມາດລວມກັນເປັນຜື່ນຂະໜາດໃຫຍ່ ມີສີຂາວ ຫຼື ສີນ້ຳຕານ ມີສະເກັດເງົາມັນ ແຕ່ບໍ່ມີອາການຄັນແບບຂີ້ກາກ ເຊິ່ງເກີດຈາກຜິວໜັງທີ່ມີຕ່ອມໄຂມັນຫຼາຍ ເຫື່ອອອກຫຼາຍ ໃສ່ເສື້ອຜ້າອັບຊື້ນ ເປັນຕົ້ນ ພະຍາດຜິວໜັງ #ພະຍາດລະດູຝົນ
