ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກໜ້າທ່ີ

ໄທຣອຍ ເປັນຕ່ອມບໍ່ມີທໍ່ທີ່ໃຫຍ່ທີ່ສຸດໃນຮ່າງກາຍ ຢູ່ບໍລິເວນທາງໜ້າຂອງລຳຄໍ, ມີລັກສະຄ້າຍປີກຂອງແມງກະເບື້ອ, ມີໜ້າທີ່ຜະລິດຮໍໂມນທີ່ມີຜົນຕໍ່ການເຮັດວຽກໃນລະບົບຕ່າງໆໃນຮ່າງກາຍ ທັງນີ້ ຫາກຮ່າງກາຍມີລະດັບຮໍໂມນໄທຣອຍສູງກ່ວາປົກກະຕິ ລະບົບຕ່າງໆໃນຮ່າງກາຍຈະຖືກກະຕຸ້ນໃຫ້ເຮັດວຽກຫລາຍຂຶ້ນ ເຊິ່ງອາການນີ້ເອີ້ນວ່າ ໄທຣອຍເປັນພິດ. ມາເບິ່ງພ້ອມກັນເລີຍວ່າອາການຜິດປົກກະຕິມີຫຍັງແດ່ :

  1. ອ່ອນເພຍ, ບໍ່ສົດຊື່ນ, ງ່ວງນອນຕະຫລອດເວລາ.
  2. ຮ່າງກາຍເກີດການເຜົາຜານຫລາຍຂຶ້ນ ຈຶ່ງເຮັດໃຫ້ມີອາການເຫື່ອອອກງ່າຍ, ໄວຕໍ່ຄວາມຮ້ອນ.
  3. ເມື່ອຍງ່າຍ, ຫົວໃຈເຕັ້ນໄວ, ໃຈສັ່ນ, ຫົວໃຈເຕັ້ນຜິດຈັງຫວະ.
  4. ໃນແມ່ຍິງອາດສົ່ງຜົນໃຫ້ເກີດປະຈຳເດືອນຂາດ ຫລື ມາຫລາຍຜິດປົກກະຕິ.
  5. ນອນບໍ່ຄ່ອຍຫລັບ, ອາການທີ່ຕ່ອມໄທຣອຍເຮັດວຽກຫລາຍເກີນໄປຈະກະຕຸ້ນການເຮັດວຽກຂອງລະບົບປະສາດພາກສ່ວນກາງ ເຮັດໃຫ້ລົບກວນການນອນໄດ້.
  6. ລຳໄສ້ເຮັດວຽກໜັກຫລາຍຂຶ້ນ, ລຳໄສ້ເຄື່ອນໄຫວຫລາຍກ່ວາປົກກະຕິ ຈຶ່ງຂັບຖ່າຍອາຈົມຫລາຍກ່ວາປົກກະຕິ.
  7. ກ້າມຊີ້ນອ່ອນແຮງ ໂດຍສະເພາະບໍລິເວນກົກຂາ ແລະ ກົກແຂນ.
    ຫາກທ່ານໃດເລີ່ມມີອາການເຫລົ່ານີ້ເກີດຂຶ້ນ ຄວນຮີບໄປໂຮງໝໍເພື່ອຮັບການກວດ ເພາະອາດເປັນສັນຍານເຕືອນຂອງອາການຕ່ອມໄທຣອຍເປັນພິດໄດ້ ໂດຍທ່ານໝໍຈະກວດ ແລະ ບົ່ງມະຕິການປິ່ນປົວໃຫ້ເໝາະສົມກັບຜູ້ປ່ວຍແຕ່ລະຄົນ.