🥵ບໍ່ວ່າຈະອາກາດຮ້ອນ ໜາວ ຫຼື ຝົນຕົກ ຕ່າງກໍມີພະຍາດປະຈຳລະດູເຊັ່ນດຽວກັນ, ໂດຍສະເພາະຍາມຮ້ອນໆແບບນີ້ ກໍມີບາງພະຍາດທີ່ຕ້ອງລະວັງ ເພາະອາດເກີດກັບຮ່າງກາຍຂອງເຮົາໄດ້.

ພະຍາດຜື່ນຜິວໜັງ
-ເກີດຈາກ: ຄວາມຮ້ອນ, ເຫື່ອ, ສານເຄມີ ເຮັດໃຫ້ເກີດຜື່ນຄັນ ຜື່ນແດງ ຫຼື ຜື່ນຕຸ່ມນໍ້າ.
-ວິທີປ້ອງກັນ: ສວມໃສ່ເສື້ອຜ້າທີ່ລະບາຍອາກາດໄດ້ດີ, ອາບນໍ້າເຢັນ ແລະ ໃຊ້ຄີມທາບັນເທົາອາການຄັນ.
ຖອກທ້ອງ
-ເກີດຈາກ: ການກິນອາຫານທີ່ເກັບໄວ້ດົນ ຫຼື ປົນເປື້ອນເຊື້ອພະຍາດ ເຮັດໃຫ້ມີອາການຖອກທ້ອງ, ບິດທ້ອງ ແລະ ປວດຮາກ
-ວິທີປ້ອງກັນ: ກິນອາຫານປຸງສຸກໃໝ່ ແລະ ດື່ມນໍ້າສະອາດ.
ພະຍາດຕີນເປື່ອຍ
-ເກີດຈາກ: ຄວາມຊຸ່ມຈາກເຫື່ອ ຫຼື ໃສ່ເກີບປຽກ ເກີບອັບ ເຮັດໃຫ້ມີເຊື້ອລາ.
-ວິທີປ້ອງກັນ: ໃສ່ເກີບ-ຖົງຕີນທີ່ລະບາຍອາກາດໄດ້ດີ ແລະ ທຳຄວາມສະອາດຕີນໃຫ້ແຫ້ງຢູ່ສະເໝີ.
4.ອາການອື່ນໆທີ່ເກີດຈາກອາກາດຮ້ອນ
-ເກີດຈາກ: ມີອາການເຈັບຫົວ ວິນຫົວ ປວດຮາກ ຫຼື ອ່ອນເພຍ.
-ວິທີປ້ອງກັນ: ດື່ມນໍ້າໃຫ້ພຽງພໍ ດື່ມເຄື່ອງດື່ມແຮ່ທາດ ແລະ ຫຼີກລ່ຽງກິດຈະກຳໜັກໆໃນໄລຍະອາກາດຮ້ອນຈັດ.